Page 14 - MIN ARENDS 13 APRIL 2017

AWEMainta Diahuebs, 13 April 2017 5

Parlamentario Clarisca Velasquez (AVP):

MEP ta sembra panico cu

criminalidad pa wak si esey

ta yuda nan gana eleccion

“NOS tur ta preocupa cu criminalidad y mas ainda cu tin nos propio hendenan ta comete
atraconan. Nos ta preocupa tambe cu Venezolanonan ta bin Aruba como turista y ta comete
atraconan tambe den casnan. Nos tur ta buscando kico mas nos tin cu haci pa frena crimi-
nalidad, pero MEP no”, segun Parlamentario Velasquez.

“MEP ta purba uza e preocupacion aki di criminalidad pa sembra panico pa purba
gana eleccion na september proximo. Y ningun contribucion MEP a duna den reunion
publico con nos por frena criminalidad. Nan no kier yuda tampoco pasobra nan kier
uza e preocupacion y dolor aki di nos pueblo pa purba gana eleccion. Y esaki ta di
lamenta, pasobra cu nos tur mester por yuda pa frena e preocupacion grandi aki y
no pensa riba politico partidista”, e Parlamentario ta splica.

“MEP ta uza tur preocupacion y dolor di nos pueblo pa purba saca probecho po-
litico di dj’e.
Ojo pueblo! MEP ta uza tur dolor pa purba gana eleccion mirando cu nan ta floho y
incapacita pa haci e trabao. Ni trabao nan no ta yega y ni nan cuenta anual di nan
fraccion di MEP nan no por traha anto nan kier goberna e pais aki”, Parlamentario
Velasquez a expresa na final.