Page 38 - MIN ARENDS 13 APRIL 2017

Parlamentario Melvin Tromp: No por lanta un partido nobo
cu vision di otro partido

Wednesday, 12 April 2017 19:40
Comparti

Cu masha fanfaria un partido nobo a mira luz di dia, ya cu e vision di e politico cu a dicidi di lanta e partido aki, ya lo
no tabata cuadra cu e organisacion politico di cual e tabata forma parti.

Parlamentario di fraccion di AVP, sr Melvin Tromp sinembargo, ta mustra cu tur hende tin e derecho di lanta un
organisacion politico nobo, si su idea y vision ya no ta cuadra cu esun di e partido cu e tabata forma parti do dje.
“Loke nos ta mirando den e campaña electoral aki ta algun actividad cu ta mustra mas tanto riba un copia carbon di
nos partido berde, pero ta cubri esaki cu color blaus.
Actividadnan cu pa añanan largo ta conoci como actividadnan di partido AVP, awor a haya un otro color y hasta tin
tur indicacion cu tin informacionnan di nos partido, ta ser uza den e actual campaña electoral.
Mi ta bay hasta na mustra cu ora cu mira cu e partido nobo aki a dicidi di uza como sede un edificio cu ta representa
un cas tipico Arubano, cual ta e icon di partido AVP pa hopi decada caba, e ta caba di confirma cu practicamente e
partido nobo aki, ta insisti pa ehecuta mesun vision y programa di partido AVP.
E partido nobo aki ta mustra cu ainda e no a logra di haya un identidad propio, di mustra un cara nobo na pueblo di
Aruba, pero ta sigui e mesun pensamento grandi di AVP cu a converti nos partido den esun di mas grandi di Aruba.
Nos ta lamenta si cu dado momento fiel miembronan di nos partido, ta wordo acosa verbalmente ora cu trata di
transforma nos hendenan den nan siguidonan faltando respet asina pa derecho di cada hende pa scoge su propio
color politico.
Por puntra un hende pa vota pa bo partido pero no por bay over na lenguahe agresivo ora cu e ciudadano aki mustra
cu determinacion, cu e ta berde y lo keda berde.
Loke nos por a tuma nota tambe den e reunion publico di diamars ultimo ora cu a presenta un mocion di
desconfiansa contra di Minister Arthur Dowers den Parlamento, cu e mocion aki a wordo poni riba facebook prome
cu el a wordo presenta na Parlamento, dunando un indicacion bon cla e forma con e partido nobo aki ta uzando
politiconan di gran experencia, den su campaña electoral.
Pero ta na su luga si cu ora un politico dicidi cu su pensamento of vision no ta cuadra mas cu e partido politico
caminda el a wordo forma y cu cual el a crece cune, sikiera e presenta un vision nobo, un pensamento politico nobo y
no trata di converti tur loke ta berde den color blauw, mientras cu e berdad ta keda bisto pa tur hende mira,”
Parlamentario Melvin Tromp a mustr