Page 7 - AVB

CONCACAF A “Keur Af” Dos Stadion Na Aruba! –

Seleccion Di Futbol Di Aruba Mester Hunga Nan

Wega Te Na Corsou Dia 9 Di September Proximo.

Tristo!! – Segun Endy Croes (MEP)

 Politica
- 26/08/2018
Parlamentario Endy Croes ta hopi preocupa cu e maneho actual di Fundacion Facilidad
Deportivo (FFD). Como Presidente di Comision Fiho di Deporte y Cultura Endy Croes ta
bisa di no por para keto man crusa.

No solamente nan no ta cumpliendo cu e meta final, esta pa mantene e parkenan
deportivo, pero tambe tin hopi “leakage” di placa eyden.

FFD ainda ta secuestra mescos cu Lotto pa Deporte pa un “Bestuur” berde
dimes! Mescos cu Lotto pa Deporte no tin respet pa Minister y ta actuando manera nan
ta riba un otro isla banda di Aruba.

Aunke mayoria empleado kier sinti e cambio, nan ta bibando ainda den e tormenta como
rehen bou di un Bestuur sin rumbo cu no kier baha.

ACELERA E CAMBIONAN DEN FFD
FFD su Bestuur ta consisti di 3 representante nombra pa ASU, 3 representante di Lotto pa
Deporte y 3 representante nombra pa Minister di Deporte. Comprendibel ta cu e 3
representantenan di Lotto y di ASU, kendenan ta berde di mes y no tin e minimo idea pa
baha of entrega nan retiro manera un ciudadano comun y coriente lo actua.

Sinembargo e 3 representantenan nombra pa Minister Schwengle ainda ta keiro den FFD.

Parlamentario Endy Croes ta manda un recomendacion fuerte pa su Minister di Deporte
pa acelera e cambionan necesario den FFD cueste loke cueste.

“Si bo no kier bay den bon nos lo percura pa bo bay den malo”, segun Endy Croes ta
splica. Imposibel un bestuur di FFD cu no ta funciona ainda ta na poder. Si mester bay
Corte bek asi sera, pero Endy Croes no kier tolera ni un solo dia mas sin mira un cambio.