Page 8 - AVB

NO TIN PLACA PA MANTENCION?
Pakico Endy Croes ta indigna? Algun siman pasa e tecnical staf di CONCACAF tabata
na Aruba pa “keur” ambos stadion tanto Compleho Deportivo Frans Figaroa como
Stadion Guillermo Prospero Trinidad na Dakota.

CONCACAF tin su Nations League andando unda Aruba lo mester enfrenta Bermuda 9
di september proximo.

Lamentablemente ambos stadion a wordo “afgekeurd” p’e tecnical staf di CONCACAF.

Ambos stadion ta den mal estado y no ta cumpli cu e standardnan minimo. Pa Aruba
competi Aruba su seleccion mester biaha pa Corsou pa bay hunga aya na hermana isla
den un stadion cu si a pasa e “keuring”.

Mike Eman a crea un structura na FFD unda awe tin hasta un Director, kende ta cobra 10
mil florin pa luna. Tin un payroll di alrededor 2 miyon florin pa aña y no tin placa pa
mantene y drecha nos stadionnan?

Unda nos ta bay y te ki dia mester keda wanta e abusonan aki? Tristo cu mester rebeldia
pa hiba deporte dilanti.

LADRON TA SER PREMIA
Por corda tanto ex Minister Ramon Lee y su ruman, kendenan tabata e motor den
deporte, esta Dochi Lee a traha incansablemente pa por a renoba e Stadion Frans Figaroa
y esun na Dakota.

Dochi Lee semper a percura pa fondonan pa mantencion di nos parkenan pa weganan
internacional di nos seleccion di Aruba por tuma lugar na cas.

Hopi tristo pa mira e direccion cu cos ta bay. Pa colmo un empleado AVP, amigo di Mike
Eman a wordo kita pa ladronicia 3 luna pasa y Mike Eman himself ta yama e Director
actual, kende ta su bon amigo pa tum’e bek na trabou lole a tuma lugar tambe.

Pues Parlamentario Endy Croes tin hopi preocupacion p’e rumbo cu FFD ta bayendo y ta
exigi pa tuma accion a la fuersa pase loke pase, Endy Croes ta termina bisando.