Page 18 - DESPA

MINISTER ALEX SCHWENGLE SATISFECHO

CU ADELANTO DI CONSTRUCCION NA

HOSPITAL

April 19, 2017 adminarubanative Uncategorized Leave a comment

ORANJESTAD, Aruba – Tur diaranson, e ekipo encarga cu renobacion y
ampliacion di Dr. Horacio E. Oduber Hospitaal ta reuni pa analisa e trabounan.
Eyden, hunto cu Hospital mes, e arkitecto, e compania di construccion, e banco y
SOGA, ta analisa e adelanto cu e proyecto ta experenciando. Siman pasa a invita
Minister dr. Carlos “Alex” Schwengle pa no solamente atende e reunion, pero
tambe pa haya un recorido den e fase di “bed tower”.

Despues di a pasa den varios area nobo di e edificio, Minister dr. Schwengle a
vocifera di a keda impresiona di locual el a mira. E ta considera cu pashentnan ta
bay dilanti den varios aspecto di cuido, asina cu e trabounan ta completamente
finalisa. Ta intencion pa semanalmente sigui e proceso aki di construccion di
cerca.

Manera ta conoci, SOGA a partner cu AIB-Bank, hunto cu sosten di 18 instituto
financiero local y internacional pa cera riba 250 miyon florin, cu ta inclui
gastonan di construccion, 4 aña di supervision, compra di e edificio actual, pago
na arkitecto, preparacion y tur otro factor pa renoba e edificio existente y
construi otro edificionan mas na Hospital.

E prome fase tabata construccion di un edificio di 6 piso cu lo conta cu
cambernan pa brinda cuido na pashent, un departamento pa mucha, un
“spoedeisende hulp”, un centro di ginecologia y un centro di parto. Banda di
esaki lo bin un edificio di tres piso cu lo bira e centro medico. E renobacion y
construccion di e edificio nobo no ta solamente un edificio mas grandi sino un
cambio moderno den servicio y cuido medico. Pa yega na cristalisacion di e
proyecto, a scucha tur esunnan envolvi y a laga tur trahado participa cu
pensamento y deseonan. Tur ta forma un parti importante di e logro aki. E
construccion ta den man di OHL Arellano Construction Company di Miami cu tin
como partner local ALBO Aruba, Bohama, AWM Caribe, Croon y C.H.S.