Page 13 - DESPA FLIP 31 DEC 2016

Veterinario Pieter Barendsen: Cuida bo cacho durante e
temporada aki

Friday, 30 December 2016 05:59
Comparti

Nos ta den temporada di fin di aña y fin di aña sigur den e ultimo 3 pa 4 dia prome cu aña caba, ta haya
cu tiramento di klapchi ta cuminsa.

For di dia 27 caba e ta tuma luga y e ta bin cu su efectonan riba diferente bestia, entre otro cacho cu ta
perde y bay for di cas y un cantidad di otro cos mas cu ta sosode. Cacho ta drenta den un panico total.
Pero tin un solucion pa esey tambe.
Nos tabata hunto cu Veterinario Pieter Barendsen kende a bisa kico por wordo haci y kico ta e efecto na
momento cu tin tiramento di klapchi.
El a conta cu berdad ta un problema di cada aña. Pa nos suerte e tiramento di klapchi ta menos
temporada cu ta wordo bendi cual ta un suerte pa e cacho. Nan oido ta hopi mas skerpi cu di hende. Nan
por spanta basta hopi. E ta varia entre diferente cacho. No tur cacho tin e mesun reaccion riba dje. Hopi
biaha puppies no ta spanta mesun hopi cu e cacho adulto. E ta bon pa tuma algun medida.
E prome medida cu e dokter ta conseha pa wak pa e cacho tin un banchi bisti cu un number di telefo riba
dje. Si e sali riba caya y bay hopi leu y cu un banchi cu su number di telefon e ta yega na cas lihe, sino por
perd'e pa semper.

Naturalmente ta bon pa evita cu nan ta bay riba caya. Tene nan bastante paden. Ta bon pa duna nan
manera un zonido stabil. Si bo ta sende radio y bo tin'e den un luga cera, cu por sinti nan safe, pa hopi
cacho esey ta suficiente. Tambe tin indicacion cu ainda cu nan ta drenta den panico y sa cu nan ta kibra
porta, y den casonan eynan ta bon pa duna nan un pildo pa evita e panico cu nan ta keda mas of menos
drumi. Ta bon pa busca nan na tempo pasobra si bo ta busca nan na ultimo momento, no ta haya ningun
dokter di bestia cu ta traha mas.
Na e clinica na Wayaca e ta habri parti mainta cu cita si bo cacho ta malo. Pero pa busca pildo, mester
buscanan parti mainta te cu 11'or.
Esey ta dia 31 di December. E dianan despues por haya klapchi naturalmente, pero Veterinario ta cera.
Ta traha solamente pa emerhencia y citanan cu hendenan a haci. Esey ta conta pa dia 1 y 2 di Januari.
Dia 3 di Januari, Veterinario ta habri normalmente.

Tin cu paga pa e pildonan. Tin paki chikito cu 6 tablet ta costa 10 florin, cu 10 tablet, cual ta costa 15
florin.

Segun Barendsen, e tabletanan ta traha lihe. Despues di mey ora nan ta traha bon caba y nan por sigui
traha durante 8 ora. E dosis ta varia. Un tableta ta bon pa un cacho di 2 kilo y e otronan mas grandi ta 2
tablet. Nan ta hopi safe y nada por bay fout.