Page 14 - DESPA FLIP 31 DEC 2016

Pushi tambe por sufri di zonido duro, pero pushinan sa sconde den un luga den cas mas
lihe. Pero ainda e ta bal la pena pa nan tambe haya un banchi cu un number di telefon
riba dje.

http://www.24ora.com/index.php?option=com_content&view=article&id=11714

9:veterinario-pieter-barendsen-cuida-bo-cacho-durante-e-temporada-
aki&catid=1:local&Itemid=5

Veterinario Pieter Barendsen: Corda vacuna bo cacho tur aña
pa e no haya Distemper

Friday, 30 December 2016 16:47
Comparti

Dr. Pieter Barendsen ta Veterinario y a splica nos riba e malesa Distemper. Hopi hende
ta enfoca riba cacho, cu particularmente e malesa aki ta mortal. E ta splica cu por a
mira varios brote, pero awor aki te asina leu, no tin Distemper na Aruba. Pero na
Corsou si. Na Corsou a haya casonan, na Merca tambe a haya varios caso, pero na
Aruba te awor aki e ta rustig.

Tin cu wak nos fronteranan cu no ta importa cacho cu Distemper. Pero si ta haci esey, en
principio, mester wak esaki. Na tur momento ta conseha tur hende pa vacuna e cachonan.
Contra Distemper tin un vacuna hopi bon y fuerte y si duna e cacho su vacunanan anualmente,
tambe pa Puppies, for di 6 siman di edad. Ta bal la pena pa bay dokter di bestia pa haci su
prome vacuna preventivo.

Importacion

Dr. Barendsen a splica cu por a mira varios brote, pero tin varios aña cu no ta mira casonan di
Distemper. E fuente mas logico ta importacion. Tin cachonan cu ta sobrevivi Distemper, pero e
ta un excepcion. En principio por ta cargador di e virus, pero pa varios aña no por a mira un
outbreak di Distemper cu e virus no tey presente di tal manera cu por ehempel Parvo Virus.
Parvo Virus ta un otro virus cu tambe e veterinario ta hala atencion cu ora awa yobe hopi, por
mira mas caso di parvo Virus, specialmente cerca puppies. Esey ta un diarea cu sacamento cu
kram cu sanger. 30% di casonan por ta mortal. E ta menos mortal cu Distemper, pero no ta