Page 12 - ARUBA BANK

hunto cu representante di Aruba Bank, T’Aki Tin, OBID y Gianni’s Group a comparti tur
detaye.

Partidonan a dicidi cu ta na su luga pa despues di tabatin un lansamento exitoso den
luna di october, e evento yama ‘T’Aki Tin’ regresa. Pa demanda popular e ta bek y cu
mas evento cu lo trece ambiente y actividad economico den Caya Grandi.
Specialmente pa luna di december, ta bay tene un ‘T’Aki Tin Fin di Aña’ tur siman.

Diahuebs, Diabierna y Diasabra lo tin atraccion y sorpresanan for di Renaissance Mall
te na Plasa Nikki Habibe. Ta referi na entre otro, pop up restaurants, parada di
Sinterklaas, mercado crioyo di Santa Rosa, shopping nights, show di moda y asina hopi
mas pa menciona.

Hopi importante, manera Kimberly Kuiperi, relacionista publico di T’Aki Tin Fin di Aña, a
bisa tambe ta recoleccion di cos di hunga di bon condicion como donacion pa
muchanan di Imeldahof. A cambio e ciudadano ta haya chens di gana premio.

Edseline Leer, ehecutivo di Aruba Bank a expresa cu e banco tambe kier contribui na
engrandecemento di Caya Grandi. Diasabra 3 y 10 di december lo tin actividad enfoca
riba muchanan. Na e plasa dilanti di nan Express Branch lo regala peluche cu chens
decora e peluche su sombre na Pasco. E siman despues lo tin pintamento. Dia 1, 8 y
15 lo tin Shopping Nights pa brinda oportunidad di aplica pa e campana di ‘Skip’.

Miguel Angel Alebola Ortiz di Gianni’s Group a gradici y elogia Premier Eman pa su
decision di cambia e orario di parkeo paga te 3’or di atardi. Ya caba nan ta wak un
diferencia y tende bon comentario di nan clientenan. Di nan parti tambe lo percura pa
tin ambiente riba Plasa Daniel Leo cu musica, cuminda y alegria.

Pa e calender completo y detaya di actividad, bishita pagina di Facebook: T’Aki Tin.