Page 17 - BNDIA ARUBA

A17
HENDE Diaranson 3 october 2018

Club Kibrahacha 60+ ta celebra e Dia Internacional di Adulto Mayor

ORANJESTAD - Dia 1 di october a celebra mun-
dialmente e dia Internacional di Adulto Mayor. E
obhetivo di e tratado internacional di Nacion Uni
ta pa conscientisa y garantisa e independencia, pa
stimula e participacion, accesibilidad y tambe pro-
move un bon calidad di cuido pa e Adulto Mayor. E
meta final ta pa logra cu e dignidad di tur Adulto
Mayor keda garantisa mundialmente.

Segun un comunicado di Club Kibrahacha 60+, embe-
hecimento na Aruba no ta diferente cu otro parti nan di
mundo. Na Aruba actualmente tin alrededor di 20.000
persona adulto mayor. Esaki ta 18 porciento di e poblacion
na Aruba. Na aña 2023 e pronostico ta mustra cu e grupo
aki lo sigui crece y lo bira 19.5 porciento di nos poblacion.

Club Kibrahacha, como centro di actividad pa adulto may-
or, ta sigui enfoca ariba e grupo aki den nos comunidad pa
asina nan sigui participa den nos comunidad, e comunica-
do ta bisa. “Nos kier promove y garantisa e independencia
di tur adulto mayor na Aruba.”

Un iniciativa di e website nobo di Club Kibrahacha 60+
ta saca tur luna un miembro y boluntario di luna. “Den
e oportunidad aki, nos ta felicita señora Ludwina Boek-
houdt cu ta Miembro di Luna pa October 2018 y tambe
señor Robert Clement kende ta Voluntario di Luna pa Oc-
tober 2018.”

Prome presidente di Club Kibrahacha 60+ Erick d’Arnault,
kende a felicita Club Kibrahacha 60+ pa nan progreso y
iniciativanan pa tur adulto mayor na Aruba. Tambe e la
expresa di ta hopi orguyo di e organisacion y a felicita nan
cu e website nobo, e comunicado ta bisa.
Director di Club Kibrahacha 60+, Jeffrey Matos ta hopi
contento y gradicido na su staff y boluntarionan pa haci
posibel e bon servicio y exito di e club pa nos grandinan.
Tambe ta felicita tur adulto mayor na Aruba y ta invita nan
pasa Club Kibrahacha 60+ pa asina disfruta di e actividad-
nan diario cu nan ta ofrece.