Page 16 - BNDIA ARUBA

A16 HENDE
Diaranson 3 october 2018

Norma Brinkenberg di Kiwanis Club ta gradici un y tur

ORANJESTAD - Dia 1 di october ta un fecha impor-
tante pa tur Kiwanis Club nan rond mundo, asina
tambe pa Kiwanis Club of Aruba, door cu esaki ta e co-
mienso di un aña nobo cu un presidente y un directiva
eligi. Manera conoci, Kiwanis ta un organisacion bol-
untario cu ta enfoca pa yuda e comunidad unda cu por,
muy en particular muchanan.

Segun un comunicado di prensa, Kiwanis Club of Aruba ta
haci esaki desde 1965 cu hopi satisfaccion. E concepto riba
su un mes ta bay bek te na 1915, unda e prome club a keda
estableci na Detroit, Merca door di comerciantenan. Actual-
mente Kiwanis ta conoci rond mundo na 80 diferente nacion
cu 600.000 miembro cu aña aden aña afo boluntariamente ta
dedica pa impacta comunidad pa medio di varios proyecto y
tambe door di otorga donacionnan na organisacion cu tambe
tin un meta similar y cu tin necesidad di e fondonan.

2017-2018 tabata un periodo espectacular encabesa pa Norma
Brinkenberg, e di 5 presidente femenino y e di 49 presidente
cu e club conoce desde su existencia. E siguiente proyectonan
a keda realisa:

1. Dia Internacional di Derechonan di Mucha
2. Pasco den mi Bario
3. Fiesta cu nos Grandinan
4. Competencia di Flie
5. Back 2 School (hunto cu otro club nan di Kiwanis)
6. Clint Whitfield Outstanding Student Award
7. Oscar Antonette Exceptional Student Recognition
8. Smile Makers Project
9. Bikes Back 2 Life
10. Bon Bista
11. Traffic Awareness Campaign
12. Kamishibai
13. Campaña contra Abuso di Mucha ‘No Sconde Mas’
Tur e proyectonan aki por solamente wordo realisa door cu
anualmente Kiwanis Club of Aruba ta organisa dos evento pa
recauda fondo, es ta:
1. Golf Tournament
2. Wine Gala
Diasabra ultimo a tuma luga e Dubai Wine Gala Event cu
‘tabata un bes mas exitoso y sold out’.
Tambe Kiwanis Club of Aruba anualmente ta sponsor varios
Service Leadership Programs (SLP’s) cu ta percura pa riba
nivel escolar studiantenan tambe riba un edad hoben ta siña
pa duna bek na nan comunidad mientras cu nan ta extende
nan capacidad personal y liderazgo, cu ta:
1. Key Club of Colegio Arubano
2. Key Club of Colegio San Nicolas
3. Circle K of Colego EPI
4. Sonrisa Aktion Club
5. Builders Club of Juliana School
Sra. Brinkenberg kier gradici tur e miembronan pa nan tempo
valioso, pasion y dedicacion. Alabes un palabra di danki na tur
compania y persona cu a contribui na Kiwanis Club of Aruba
durante aña 2017-2018 percurando cu esunnan menos for-
tuna por a disfruta di un momento ameno.
Alabes sra. Brinkenberg ta desea presidente entrante, Edalitza
Weller como e di 50 presidente y e di 6 presidente femenino
di Kiwanis Club of Aruba y su directiva nobo hopi exito pa e
aña 2018-2019, cual lo wordo instala oficialmente dia 13 di
october venidero.