Page 5 - AM181110

Diasabra, 10 November 2018 AWEMainta 5

Cuatro aña pa homber condena pa maltrato cu cuchiu

DIABIERNA mainta e homber Jorge Luis B.D. a presenta
un biaha mas dilanti mesa berde, pero e biaha aki pa scucha
e sentencia di su caso. El a wordo haya di dos acusacion basta

pisa.
Su caso a wordo trata dia 19 di october ultimo y e acusacionnan
contra dje ta cu e intencion di tuma bida di un persona, a staca
cu cuchiu den direccion di e persona aki riba 2 di juli 2018. Y

e di dos acusacion ta, cu e intencion di tuma bida di un otro
persona, a purba hinca e persona na su pecho y pia riba 17 di
november 2017.
Un di e victimanan, Hues a bisa, e acusado a purba hink’e na

su pecho y pia, pero e persona a hisa su man pa wanta e sla y
a consecuencia di esaki, el a wordo hinca den su ban causando
basta daño. E persona aki ta un carpinte, pues e mester di su
man pa traha y a keda sin traha pa algun tempo. Esaki a sosode

na un cas unda cu tabatin mucha.
E otro caso ta mes serio, y ta trata di un portero di un negoshi cu
mester percura pa siguridad di clientenan di e establecimento.
El a wordo laga liber temporalmente ora cu e di dos caso a tuma

luga. Di otro banda, a tene cuenta cu e no a yega di wordo con-
dena pa un delito similar.
Hues a bay di acuerdo cu e demanda, esta 4 aña, di cual 1 aña

ta condicional, 2 aña di prueba y cu e mester bay bou guia di
Reclassering pa e siña domina su agresividad.