Page 36 - Djabierne 9 november 2018.pdf

38 Djabièrnè 9 Novèmber 2018
Mester wak pa
kambio di lei no

afektá klima
di invershon
WILLEMSTAD.-
Resientemente Konseho
Konsultativo (Raad
van Advies) a duna su
opinion riba e proyekto
di lei kombiná pa trese
kambio den riba tereno di
Zona Ekonómiko 2000,
Omzetbelasting di 1999,
lei di Successiebelasting
1908, i e lei di reparashon
di régimennan fiskal
preferensial. T’asina ku
RvA a risibí e konsepto
di lei aki for di sèptèmber
2018 serka gobièrnu ku
karakter di urgensia pa
evitá ku Kòrsou lo a ser
poné riba e lista pretu di
OESO, ku ta e Organisashon
pa Koperashon Ekonómiko i
Desaroyo, i pa evitá ku esaki
lo por tin konsekuensianan
pa e sektor finansiero di
Kòrsou. RvA tin su opinion
riba e petishon aki ku tin
karakter di urgensia, pero
ta opta pa tòg e duna su
opinion i konseho na tempu
pa evitá ku Kòrsou lo keda
perhudiká. RvA no a keda
masha kontentu den esaki.
Den e proyekto di lei ta
stipulá ku mester boga pa
tin klaridat i simplifikashon
i un karakter resistente
di esaki. Mester evitá ku
regularmente ta kambia
reglanan pa motibu ku esaki
ta tacha e rekonosementu
dje reglamentunan ei i ku
esei e derechi dje siudadano.
Es mas, no opstante ku a pidi
pa kambia sierto areglonan
legal hasiendo un apelashon
riba kondishonnan di OESO
i ku nan a ser kambiá tambe,
tòg den e konsepto di lei ta
bolbe proponé pa kambia
e areglonan ei entre otro
en konekshon ku e mesun
liñanan.
Mas aleu RvA ta bisa ku
e tin di pone na atenshon
di gobièrnu ku dunamentu
di seguridat di derecho ta
un funshon importante di
e derecho. Un siudadano
mester por stipulá su
derecho i obligashonnan
den komparashon ku esun
ku ta manehá; e mester sa
kiko e tin derechi riba dje.
Derecho di transishon:
E derecho di transishon
ta regla e relashon entre e
areglo nobo i e posishonnan
hurídiko i relashonnan ku
ta eksistí e momentu ei,
pasobra mester evitá ku ta
surgi inklaridat riba esei.
Tin pasashi den lei ku ta bisa

Sigui lesa pagina 40