Page 31 - ATA
P. 31
Exitoso “Containers den Bario” di ATA y Serlimar na Dakota
diadomingo awor
Tuesday, 29 November 2016 17:30
Comparti
Despues di e exitoso diadomingo ultimo na Noord, e popular projecto di Containers den Bario pa e siman
aki. Diadomingo awor 4 di december, Dakota ta na turno. E sitio exacto lo ta e parkeerplaats di Don Elias
Mansur Ballpark. E horario lo ta di 8’or di mainta pa 2’or di atardi.
Riba tur diadomingo, ATA y Serlimar lo ta den e districtonan mas grandi di Aruba, ofreciendo tur cas
den nos comunidad e oportunidad di prepara y haci limpiesa pa fin di aña. Probecha y no warda te
ultimo ora pa cuminsa cu e limpiesa mas grandi di aña! Milieustraat Cu e generoso sosten di ATA, dicho
projecto lo wordo ehecuta dor di Serlimar den e concepto di un “milieustraat” of “caya di medio
ambiente”. En breve, e “Caya di Medio Ambiente” ta ensera e deposito di grofvuil den containers
specialmente pa e publico general. Grofvuil ta ensera e siguiente desperdicio di cas: desperdicio di cas
general y artefactonan grandi manera wasmachine, meubles bieu y como tambe desperdicio di hardin
(mata, yerba, troncon etc.). Lo ta bai tin supervisors presente na tur momento, specialmente pa dirigi y
asistibo den esaki y nos ta conta cu e cooperacion di un y tur. Nos ta den pleno temporada di awacero
atrobe pues elimina tur criadero, haci limpiesa na cas y den bario.
Ta mihor preveni awor y cu e proyecto aki nos ta yuda y encurasha bo persona pa haci esaki. Duna Aruba
e mihor di nos Ban duna Aruba e mihor di nos. Un isla limpi ta y lo keda un prioridad importante pa
ATA. Esaki, tanto pa nos bishitantenan como nos mes. Cu e punto di salida aki, ATA ta sigui sostene
Serlimar y e noble projecto Milieustraat pa asina ofrece Aruba un manera facil, gratis y responsabel pa
deshaci di desperdicio di cas grandi (grofvuil) pa fin di aña. Dor di duna prome na comunidad y pone
containers disponibel, lo motiva tur habitante pa (man)tene rond di nan cas limpi y asina contribui pa
mantene e bario mes limpi. Pa mas informacion, comunica libremente na 5245080 of bishita nos
Facebook/serlimararuba.
