Page 18 - MIN ARENDS

Parlamentario Mr. Juan E. Thijsen (MEP): Habri

Refineria Bek Tabata Un Bon Paso, Pero Interes

Partidista Y Corumptivo Di AVP Ta Strobando E

Proceso Banda Di Otro Factornan Externo

 Politica
- 22/05/2017

Parlamentario mr. Juan E. (Ady) Thijsen mescos cu tur hende ta sigui e proyecto di Citgo
di cerca. Segun Parlamentario mr. Juan E. Thijsen (MEP) para e desmantelacion y habri
refineria bek tabata un bon paso, pero interes partidista y corumptivo di AVP ta
strobando e proceso banda di otro factornan externo.

Presencia di un refineria na Aruba semper bay ta un tema di discucion. Di un banda tin
esnan cu ta kere cu mester para energia fosil na Aruba completo y bay over pa
proyectonan mas limpi y di otro banda bo tin e gran mayoria cu ta kere cu e refineria ta
importante pa nos economia y sigur riba termino cortico y mediano.

Tur raport financiero economico ta bisabo esey cu no tin otro alternativa a termino
cortico. Segun Parlamentario mr. Juan E. Thijsen manera conoci Prome Minister Eman
mes a keda mey-mey di e discucion di e refineria. E no sa si e ta carni o pisca.

Mike Eman lider di AVP a anuncia cu pa 2020 Aruba lo ta fosil free y di otro banda Mike
Eman a permiti su fraccion den Parlamento aproba e proposicion di su Ministernan pa
habri e refineria. Parlamentario Thijsen tambe hunto cu e fraccion di MEP a vota na fabor
di habri e refineria y ta para tras di e situacion aki.

Sinembargo e manera sin transparencia cu Gobierno ta hibando cu e proyecto ta trece
hopi incertidumbre den pueblo y ta crea duda si e proyecto ta bon of no.