Page 24 - Djasabra 25 ougustus 2018.pdf

24 Djasabra 25 Ougùstùs 2018

Un bunita vista di Guatapé for di e parti mas altu di Piedra del Peñol

Medellín Colombia un siudat ku

hopi kara Guatapé i bisindario (parti 2)

Skibi pa Anthony Haile

Manera nos a indiká siman pasa Medellín ta un siudat ku hopi
kara i e ta un lugá ku ta sirbi komo Hub pa bishita diferente
siudat chikitu den interior. Nos a probechá di nos estadia pa
bishita Guatapé i bisindario riba kual nos lo elaborá awe den e
edishon aki. Otro siman tambe nos lo elaborá riba algun otro
siudat ku nos a bishita pafó di Medellín. Pero pa awe Guatapé i
bisindario.

Guatapé
Guatapé ta un siudat chikitu den serkania di Medellín ku una bes na
Medellín ta bale la pena bishita. Guatapé ta keda mas o ménos 2 ora
di kareda for di Medellín. Nos a palabra ku un di e chauffeur di taksi
kuantu e ta kobra nos pa henter un dia pa e rekoré ku nos Guatapé i
bisindario. Nos a haña un oferta aseptabel. E bentaha ku bo tin ora
bo hur un taksi ta ku bo por para kaminda ku bo ke miéntras ku den
un tour bo por para solamente na sierto parada i tambe bo tin ku
tene kuenta ku komo bo ta den un grupo grandi, bo no por tuma tur
bo tempu pa bo mira sierto kosnan, ya ku kisas bo ta tarda e grupo.
Tempu ku Pablo Escobar tabata na bida ainda i e tabata tin di bisa
den e region di Medellín tabata un tiki peligroso pa bo bishita e
siudat di Guatapé ya ku masha hopi biaha hende tabata wòrdu
sekuestrá i pa bo haña e persona na bida abo òf famia mester a
paga un suma di plaka Situashon a kambia drástikamente i awor bo Anthony mirando e bista bunita di Guatape
por bishita no solamente Guatapé pero diferente otro siudat for di
Medellín den tur trankilidat.