Page 26 - Djasabra 25 ougustus 2018.pdf

26 Djasabra 25 Ougùstùs 2018
E hendenan aki sigur ta persona
ku ta traha ariba na e restorant
i tin ku bai ku tur nan kosnan
ariba di e piedra. Dia ku nan a
konstruí e restorant mi ta in-
maginami ku ta tur kos mester a
hiba manualmente ariba.
Un trabou hopi duru por sierto.
Abou na entrada di Piedra del
Peñol tin diferente restorant i
negoshi ku ta bende souvenir.
E restorant ta bende mas tantu
refresko i algun snack chikitu.
Tour riba awa
Ora nos a kaba di atmirá
Piedra del Peñol nos a hur un
boto pa hasi un rekorido den e
boto i asina mira e Piedra del
Peñol for di awa. Tambe nos
a haña e oportunidat di atmirá
e kasnan ku ta konstruí rondó
di e piedra. Hopi di e kasnan
aki tabata propiedat di Pedro
Escobar Gaviria . Den e guera
ku Gobièrnu tabata tin ku
Escobar, e a pone beslag riba
tur e propiedatnan di Escobar.
Esei ta pone ku mayoria di e
kasnan ta para bashí i algun
hasta a wòrdu kima i ta para
komo rekuerdo di lokual un
tempu e kas lo tabata repre-
sentá. Hopi tristu.
E tour riba awa sigur ta bale
la pena pasombra bo por mira
e piedra for di un otro ángulo,
esta for di awa. E awa si tabata
hopi bruto i e hende ku tabata
stir e boto mester a tene kuenta
ku “eb en vloed”. Ta pa e mo-
tibu ei ora ku nos a regreso nos
mester a hasi esaki na un otro
lugá ku nos a subi ya ku e awa
a subi ku a pone ku nos no por
a baha kaminda nos a subi.
Despues di a hasi e rekorido
aki nos a sigui pa Pueblito
Paisa.

Wimpy te ariba na e restorant di Piedra del peñol