Page 20 - UTILITIES

Trabaonan ta den full swing pa loke ta e introduccion di cara
di Citgo na Aruba

Tuesday, 29 November 2016 22:25
Comparti

A tuma nota cu cambionan ta den full swing pa loke ta e introduccion di cara di Citgo na Aruba.

Alvin Koolman ta director di Refineria di Aruba, a splica cu algo cu a negosha pa loke ta e
rebranding di tur e stacionnan di gasolin. FMSA tin 5 stacion di gasolin cu ta Essoville,
Boulevard, Savaneta, San Nicolas y Oranjestad. E otronan tur ta di e operator. E ora Citgo
mester a negosha cu nan y basicamente a yega na un acuerdo caminda cu Citgo lo bay pone su
nomber di e compania Citgo na tur e stacionnan di gasolin.

E planning cu Koolman a wak inicialmente, dia 15 di December, esun di Essoville y Boulevard lo
bin cla. Pa Januari tur e restonan lo mester ta cla cu e branding. Mientras tanto algun truck cu
ta yena gasolin tambe a cuminsa wordo poni den FMSA. E producto ta di FMSA, ta un acuerdo
a bin cu Citgo cu nan por nan logo na e stacionnan di gasolin. Esey ta algo cu nan mes ta cubri,
segun Koolman. Citgo ta paga pa henter e branding y mantene tambe. Loke FMSA ta entrega e
gasolin, diesel y kerosin na e diferente instancianan cu ta uz'e y esey ta bao di FMSA.

Koolman a sigui splica cu ta tuma tempo pa e proceso cuminsa. Tin biaha a bin un forma cu nos
hendenan ta kere cu manera e contracto wordo firma dia 1 di October, cu ya pa fin di October
hende ta move. Pero mester haci hopi trabao prome cu e cuminsa.

Pa bisa un ehempel, tempo cu Coastal a firma na 1989, te na Maart e Turconan a cuminsa bin y
mobilisa. A haci cu nan mester a tuma tempo pa cuminsa uza e contratistanan. E tempo ey
tambe, Lago Exxon a duna cooperacion pa nan por a inspecta e planta. Valero no a haci esey y
Citgo a cana kibra. Dia 1 di October tabata prome biaha cu nan a drenta e refineria pa wak di
cerca kico ta kico, wak e planta y haci un analisis, un inspeccion y esey ta dura su tempo. Tin
hende ta un tiki inpaciente.

Awor aki tin algun hende a wordo gehire. Pero ora cu e proyecto cuminsa mes, e ora ey e
trabao grandi ta cuminsa. Ta premira mas tanto den luna di April pa Mei, movecion grandi.

E trabao di RdA principalmente ta pa pone diferente participation agreement, Lease
Agreement, pone nan den un forma cu por check e compliance di Citgo ora cu mester cuminsa
opera. Pero ta enfoca awor aki mas den FMSA. A haya e operacion dia 1 di October y mester