Page 81 - MIN JUS

Minister Benny Sevinger a ricibi presentacion for di Dimas

Thursday, 26 January 2017 22:00
Comparti

Tabatin un reunion basta largo cu personal di Dimas. Aña a habri y ta asumi cu ta sigui trata di
duna miho servicio na comunidad. Minister Benny Sevinger a splica cu tabata tin un
presentacion di parti di directora, director interino y conseheronan cu a contrata pa ta na
Dimas.

Nan a duna un informacion tocante ultimo tres lunanan kico ta e cambionan cu a ser haci y
kico ta e cambionan cu ainda por spera den e proximo lunanan. Tin cu bisa cu hopi placer di a
tende y por a mira e resultadonan cu Dimas a haci den e ultimo tres lunanan riba diferente
parti di e organisacion. Uno riba e parti di personal. Hopi curso a wordo duna. A bay over na
reeduca unda tin cu reeduca trahadonan pa prepara pa loke ta yama e Dimas nobo. Nan ta
yama esaki Dimas 2.0, cual ta un Dimas cu ta mas moderno.

Computer, softwarenan ta wordo instala na e momentonan aki pa e parti digital, profesional di
Dimas, ta wordo poni in place y tur trahado mester haya un parti di reeducacion of curso pa
por atende cu esaki.

Sinembargo riba e parti di maneho en general, cu grato placer, minister por a tende cu e parti
di duna permiso, 80% personanan cu ta pidi permiso ta haya esakinan dentro di e 12 simannan
cu ta wordo stipula pa ley. Tin un parti cu ta den beroep cu na e momentonan aki ta trahando
riba dje y tin un parti ainda cu ta wardando decision.

Sinembargo por mira claramente den e cifranan cu Dimas ta bayendo padilanti. Por saca afo di
e cifranan y presentacion cu a haya cu tabata tin menos dunamento di permiso aña pasa
compara cu e aña anterior. A baha cu casi 600 permiso den 2016, compara cu aña 2015.

Mas di 600 permiso menos a wordo duna na personanan cu a pidi esaki den 2016 compara cu
2015.

Por mira tambe cu den diferente sector, por ehempel sector turistico, a pidi diferente
extencion di estadia. Por analisa tambe di cual pais esakinan ta. Por mira tambe cu hopi
permiso a wordo pidi pa ayudo domestico. Hopi di esaki por mira cu e ta parti di problematica
of e reto cu tin cu ta e vergrijzing, mas hende ta bira mayor di edad. Esey kiermen cu mester di
mas cuido y esaki por mira cu hopi famia a pidi permiso domestico pa yuda cu un tata, cu un