Page 82 - MIN JUS

mama cu un wela of cu un enfermo cu mester ayudo na cas. Esey tambe a mira cu a crece,
segun e minister.

Esey ta e parti di reunificacion familiar. Personanan cu tin hopi aña aki cu ta Hulandes, cu nan
yiu, di un forma of otro, a bin Aruba pa keda cerca nan, tambe a crece.

Tur cu tur, a haya un bon presentacion di e parti di gerencia di Dimas cu ta duna e speransa, e
ta duna e confiansa cu sigur den e proximo lunanan, ora cu e trabao sigui avansa, cu pueblo lo
ripara y ta riparando caba, un servicio cu ta dedica na comunidad.

Un servicio cu ta dedica na e pueblo di Aruba pa asina ey tur persona cu tin mester di un
permiso, haya esaki mas lihe, den un forma profesional y asina nos economia por sigui florece.
Con cu bay bin, tur e personanan aki ta trahando den un tienda of nos comercio, esey kiermen
cu nan ta contribui na pais Aruba y consecuentemente na economia di Aruba y
consecuentemente na pais Aruba en general. Tabata un presentacion pa e minister hopi
profesional, un presentacion cu a dun'e e siguransa cu nos ta bayendo den e bon caminda pa
loke ta trata Dimas su servicio.

Un palabra di pabien ta bay na e gerencia y tur trahado. No ta facil pa bin cu cambionan
positivo, cambionan cu ta contribui na un miho dunamento di servicio. Esaki ta tur cu ta traha
eynan ta pone un granito tur dia pa por haci e cambionan na bienestar di nos comunidad.
Minister Sevinger ta hopi contento cu esaki. E ta spera cu den e proximo lunanan, e cambio cu
ta proponi y tin cu wordo presenta ainda, ta wordo aprecia door di e comunidad cu ta esunnan
ta sali probecha di tur e cambionan aki.