Page 12 - MIN VOS

E siman aki ta Siman di

Enfermeria

10 May, 2017
0

Dialuna a inicia e siman di enfermeria y e dia di enfermeria ta cay diabierna awo
dia 12 di Mei. Como cu e biaha aki dia di enfermeria ta cay riba diabierna,

Hospital por haci algo bunita pe ceramento, asina vocero di hospital, Charlaine
Alexander-Huntington a remarca. E siman aki ta yena cu diferente actividad.

E ta cuminsa cu actividad di movecion, actividad di teambuilding, lezing pa

eleva conocemento y sigur actividad na unda e nursenan lo sinti nan mes
pampered. Den e programa tin Mens Erger Je Niet, aromatherapie, massage pa
e nursenan, breakfast pa tur cu ta traha na Hospital, Zumba, photobooth,

beddenopmaakwedstrijd y mucho mas. E programa ta pa hospital completo,
pasobra full hospital ta den celebracion e siman aki mirando cu e grupo di mas

grandi di hospital ta e nursenan. Nan ta esunnan cu ta traha direct cu e pashent
tur dia.

“Mi ta kere cu ta hopi importante pa nos para keto, pasobra hopi biaha nos ta

bisa cu e dokter ta esun cu ta dun’e cuido. Pero esun cu banda di duna cuido tin
e contaco constante cu e pashent di papia cu nan di cosnan chikito, con nan a
drumi, con nan ta sinti y mucho mas ta e nursenan. Nos tin cu corda cu aunke

nan tabatin un mal dia, nan ta yega Hospital pa duna cuido y esaki nan ta haci’e
cu un curason grandi y un mente positivo”, Charlaine Alexander-Huntington a

remarca.