Page 15 - MIN VOS
P. 15
photobooth, beddenopmaakwedstrijd y mucho mas. E programa ta pa hospital completo, pasobra full
hospital ta den celebracion e siman aki mirando cu e grupo di mas grandi di hospital ta e nursenan.
Nan ta esunnan cu ta traha direct cu e pashent tur dia.
Mi ta kere cu ta hopi importante pa nos para keto, pasobra hopi biaha nos ta bisa cu e dokter ta esun
cu ta dun’e cuido. Pero esun cu banda di duna cuido tin e contaco constante cu e pashent di papia cu
nan di cosnan chikito, con nan a drumi, con nan ta sinti y mucho mas ta e nursenan. Nos tin cu corda
cu aunke nan tabatin un mal dia, nan ta yega Hospital pa duna cuido y esaki nan ta hasie cu un
curason grandi y un mente positivo”, Charlaine Alexander-Huntington a remarca. E cuido di
pashentnan ta na prome luga pe nurse. “Mi ta desea nan un siman fructifero, yena cu cosnan dushi di
come, cosnan dushi pa papia di dje, cosnan excepcional pa descubri y alabes un danki di curason pa
eherce un trabou asina bunita”, asina Charlaine Alexander-Huntington a termina bisando.
