Page 20 - MIN VOS

ORANJESTAD (AAN): Desde aña 1967 Japan Karate Do
Ryobu-Kai International ta organiza nan evento anual pa
asina purba y mustra e arte di Shindo Jinen Ryu. E evento aki
ta un gran oportunidad pa studiantenan wak entre otro con

bon nan educacion den karate ta desaroyando su mes. E
torneo aki ta uno internacional caminda participantenan di
diferente school di karate rond mundo, como tambe Aruba, ta
topa otro pa asina coopera cu otro, netwerk, como tambe
siña di otro, door di train y competi cu otro.

E aña aki Japan Karate Do Ryobu-Kai International a organiza
un seminario y torneo internacional y a la vez a celebra en
grandi nan di 50 aniversario, cual a tuma lugar durante e

weekend di 4 pa 7 di mei na Anaheim, California – USA. E
evento internacional aki tabata bou liderazgo di Sensei
Kiyoshi Yamazaki. Hunto cu paisnan manera Australia,
Bahamas, Mexico, EU y Venezuela, Japan Karate Do Ryobu-
Kai Aruba tambe tabata tin e honor y privilegio di por tabata
tey presente na e evento aki. Nos Chief Instructor di Aruba
Sensei Felix Tromp como tambe nos Senpai Kevin Lugo

(representando Aruba) a participa den esaki den e torneo
internacional, como tambe den diferente seminario
nan/cursonan intensivo, esaki cu e presencia di instructornan
renombra den mundo di karate di diferente pais.

Cu hopi satisfaccion y orguyo Dojo Konishi- Japan Karate Do
Ryobu-Kai Aruba kier extende palabranan di pabien na
Senpai Kevin Lugo cu a logra exitosamente pasa su examen
di faha preto, Shodan. A parte di e logro aki, Kevin Lugo a

triunfa tambe den e di 50 torneo internacional di JKR na
Anaheim, treciendo Aruba medaya nan di oro pa tanto Kata
como Kumite. Chief instructor Sensei Felix, Sensei Jose,
Sensei Ligia y henter Dojo Konishi JKR Aruba ta hopi
orguyoso di por conta cu un alumno asina disciplina y
ehemplar manera Kevin, cu a traha duro y a sa di hasi su
best pa prepara su mes bon pa cu su examen y pa cu e

campeonato aki. Masha pabien Kevin!Desde aña 1967 Japan
Karate Do Ryobu-Kai International ta organiza nan evento