Page 25 - MIN VOS

ORANJESTAD (AAN): Dialuna a cuminza e siman di enfermeria y e dia di enfermeria ta
cay diabierna awor dia 12 di Mei. Como cu e biaha aki dia di enfermeria ta cay riba
diabierna, Hospital por haci algo bunita pe ceramento, asina vocero di hospital,
Charlaine Alexander-Huntington a remarca. E siman aki ta yena cu diferente actividad.

E ta cuminsa cu actividad di movecion, actividad di teambuilding, lezing pa eleva
conocemento y sigur actividad na unda e nursenan lo sinti nan mes pampered. Den e

programa tin Mens Erger Je Niet, aroma therapie, masashi pe nursenan, breakfast pa
tur cu ta traha na Hospital, Zumba, photobooth, beddenopmaakwedstrijd y mucho mas.
E programa ta pa hospital completo, pasobra full hospital ta den celebracion e siman
aki mirando cu e grupo di mas grandi di hospital ta e nursenan. Nan ta esunnan cu ta
traha direct cu e pashent tur dia.

“Mi ta kere cu ta hopi importante pa nos para keto, pasobra hopi biaha nos ta bisa cu e
dokter ta esun cu ta dun’e cuido. Pero esun cu banda di duna cuido tin e contaco

constante cu e pashent di papia cu nan di cosnan chikito, con nan a drumi, con nan ta
sinti y mucho mas ta e nursenan. Nos tin cu corda cu aunke nan tabatin un mal dia,
nan ta yega Hospital pa duna cuido y esaki nan ta hacie cu un curason grandi y un
mente positivo”, Charlaine Alexander-Huntington a remarca.

E cuido di pashentnan ta na prome luga pe nurse. “Mi ta desea nan un siman fructifero,
yena cu cosnan dushi di come, cosnan dushi pa papia di dje, cosnan excepcional pa
descubri y alavez un danki di curason pa eherce un trabao asina bunita”, asina

Charlaine Alexander-Huntington a termina bisando.