Page 51 - MIN VOS

1º partido: Astros v/s Kenro Jewelers

Pa 09:45 a duna inicio na e prome partido di Campeonato 2017 cu a bay entre Astros
como equipo di cas enfrentando Kenro Jewelers como equipo visitante. Ya den cabez di

inning no: 1 Kenro Jewelers a anota e prome careda di campeonato 2017. Despues di
esaki tur dos pitcher hunto cu nan equipo a hala faha mara y ningun equipo no a anota
careda. Den cabez di inning no. 4 atrobe Kenro Jewelers a anota 1 careda poniendo e
score 2 pa 0 na nan favor riba Astros. Pero den bom di inning no. 5 Astros a reacciona

fuerte y ta anota no menos cu 4 careda y a bolter e score 4 pa 2 na nan favor. Den
cabez di inning no. 7 despues di 2 out Kenro Jewelers a empata e partido anotando 1
careda, caminda e score a bira 4 pa 4. Pero den ultimo posibel oportunidad pa Astros
como team di cas Astros a anota 1 careda cu tabata suficiente pa lage e equipo di

Kenro Jewelers den tereno pa asina tambe bay cu e prome victoria di e campeonato
2017. Astros a anota 5 careda, a bati 7 hit y e equipo a comete 2 error. Mientras Kenro
Jewelers a anota 4 careda, a bati 9 hit y a comete 2 error tambe. Mihor bateador nan
pa Astros tabata Johan Rustenburgh di mi punto cu 2 hit den 2 turno, mientras Silvio

Flanegin a bati 1 hit den 2 turno. Pa Kenro Jewelers tabata Harold Larmonie di mil
punto cu 1 hit den 1 turno, mientras Willy Croes hunto cu Pedro

Vrolijk a bati 1 hit den 2 turno. Pitcher ganador tabata pa Astros Silvio Flanegin,

mientras Pedro Vrolijk a carga e derota pa Kenro Jewelers.

2º partido: Surprise Nos Seguro v/s Kibaima Total Services

Despues di e prome partido di campeonato 2017 a duna inicio na e di dos partido cu a
bay entre Surprise Nos Seguro como team di cas enfrentando Kibaima Total Services
como team visitante. Den cabez di inning no. 2 e equipo di Kibaima Total Services a
reacciona brabo caminda nan a anota no menos cu 7 careda pa for di tempran pone e

partido comoda mente na nan favor 7 pa 0 riba e equipo di Surprise Nos Seguro.
Despues di esaki tur dos pitcher hunto cu nan equipo a hala faha mara y ningun equipo
no a anota careda. Den cabez di inning no. 6 ta Kibaima Total Services a bolbe anota 2
careda pa amplia e score 9 pa 0 na nan favor. Pero di bom di mesun inning 6 ta

Surprise Nos Seguro a reacciona fuerte, caminda nan a anota 6 careda pa corta ventaja
caminda e score ta bira 9 pa 6 na favor di Kibaima Total Services. Ambos equipo no ta
anota ningun careda den inning no. 7 y e partido a termina cu un victoria pa Kibaima
Total Services di 9 pa 6 riba equipo Surprise Nos Seguro. Kibaima Total Services tabata