Page 54 - MIN VOS

A sigui cu e ultimo partido di e prome diadomingo di Campeonato 2017 y akinan San
Nicolas Movers Blue Residence como team di cas enfrentando Bulldozer Optica Libra.
Tabata den cabez di inning no. 1 Bulldozer Optica Libra a score na 3 ocasion, pero San
Nicolas Movers Blue Residence no a keda atras y den e propio inning no, 1 a corta

ventaja anotando 2 careda. Den cabez di inning no. 2 Bulldozer Optica Libra a bolbe
anota 1 careda pa e partido bira 4 pa 2 na nan favor. Den bom di inning no. 3 San
Nicolas Movers Blue Residence a score na 2 ocasion pa empata e partido. Den bom di
inning no. 4 San Nicolas Movers Blue Residence a Sali brabo y a score na 7 ocasion pa

pone e score 11 pa 4 na nan favor. Bulldozer Optica Libra despues di inning no. 5 a
entrega e wega. Wega legal na e momento ey, chief umpire a termina e partido. Score
final 11 pa 4 cu un triunfo pa San Nicolas Movers Blue Residence riba Bulldozer Optica
Libra. San Nicolas Movers Blue Residence tabata tin 11 careda, nan a bati 13 hit y a

comete 2 error, mientras cu Bulldozer Optica Libra tabata tin 4 careda, nan a bati 3 hit
y no a comete error. Mihor bateador nan pa San Nicolas Movers Blue Residence tabata
Lloyd Adamas y Ruben Stamper ambos di mil punto cu 2 hit den 2 turno, mientras
James Hazel y Randal Whitfield ambos cu 2 hit den 3 turno. Alvin Arrindel tabata un

bon dia batiendo di 1 hit den 2 cual hit tabata un homerun den tereno. Pa Bulldozer
Optica Libra tabata Vale Donata di mil punto cu 1 hit den 1 turno, mientras Roque
Wester a bati 1 hit den 2 turno. Pitcher ganador pa San Nicolas Movers Blue Residence
tabata James Hazel, relevando Hector Maduro den di inning no. 4, mientras Josae Pinja

a carga e derota pa Bulldozer Optica Libra.

Asina Federacion Liga Mayor di Softball Arubano por waak atras riba un tremendo
apertura di campeonato no. 14 (2017) cu tremendo partidonan di softball, na unda club

miembronan ta habri campeonato dunando lo mihor cu ta posibel pa locual ta trata e
aña aki. Tabatin un tremendo ambiente di softball na unda e publico presente a goze di
bon partidonan di softball.

MPR/Deco’s Classics a sa di brinda un bon cushina cu cumindanan sabroso y un bar bon
surti. Un danki ta bay pa e cuerpo di umpires bow di direccion di Mito van der Biezen.
Tambe danki ta bay pa scorer Sra. Mila Dirksz.

Terminando cu saludos deportivo y sperando riba cobertura pa cu y henter nos
campeonato 2017.