Page 33 - HOH

Minister Dangui Oduber Ta Afirma Cu E Placa Tey,

Mientras Cu Gerencia Di SABA Ta Nenga Di A Recibi

Placa Lo Bay Corte Pa Pidi Huez Ordena SABA Pa

Paga

 Local
- 04/08/2019

E problema di trahadornan na SABA ta keda un situacion dificicil. Segun Presidente di
ABV, Gina Maduro, for di 2015, ya caba e problema aki tabatey, cu ta data for di 2002,
unda e trahadornan aki ta wardando riba nan promocionnan.

Na 2015 ora cu ABV a drenta, a cuminsa na repasa full e trayecto pa sa unda e problema
aki ta sinta.

Segun Presidente di ABV, Gina Maduro, e trahadornan aki merece di haya nan placa,
pesey mes, ABV ta para fuertemente tras di nan miembronan. T’asina cu Minister di
Salubridad Publico anterior, dr. Schwengle a percura p’e trahadornan haya nan MB, cu e
promesa cu e trahadornan aki lo haya nan placa den 3 aña.

Aña 2019 a habri, y e trahadornan di SABA no a haya nan placa. Y esaki a causa
distubrio atrobe, pero ora cu ABV a sinta cu Minister Dangui Oduber a alega cu e
trahadornan aki debidamente a haya nan placa.

Segun Gina Maduro, e kier sa si e placa a drenta of no. Y si el a drenta, dicon e
trahadornan no por haya nan placa? Of kende a bay cu e placa anto? Ta den e dos
instancianan aki, unda Minister Dangui Oduber ta bisa cu e placa a drenta, mientras cu
gerencia di SABA ta alega di no a recibi a placa.