Page 34 - HOH

E negociacion di e CAO p’esaki ta para un rato, pasobra ABV kier sali for di e impasse
aki, prome cu sigui. E ambiente tampoco ta bon actualmente pa sigui negocia.

Tambe ABV kier sa si e calculacionnan ta bon haci y sa ta cuanto e ta, pasobra pa aña e
ta keda aumenta, pero manera menciona e trahadornan no ta hayando net nada.

Gina Maduro a confirma cu nan ta bezig tambe cu nan abogado, pa evalua si lo ta mihor
pa entama un caso contra di SABA, pa falta di cumplimento. Ta SABA ta responsable pa
paga e trahadornan y como tal lo cuminsa un caso hudicial contra di SABA, pa pidi Huez
pa ordena SABA pa paga e placa.

Si no tin un solucion, no spanta cu e trahadornan lo bay den accion atrobe. Ta for di 2002
ta wardando e placa. Ta demasiado tempo nan ta wardando y lo aplica e ultimo recurso,
pa bay den accion un biaha mas.