Page 20 - RDA
P. 20
Dialuna atardi Gabinete Mike Eman II a ofrece un conferencia di prensa extraordinario
pa informa comunidad di e ultimo desaroyonan rond di e ‘oil spill’ cu a yega nos
costanan diadomingo ultimo.
Despues di a reuni cu tur instancia concerni, Prome Minister Mike Eman a trece dilanti
varios punto relevante ademas di decisionnan tuma na beneficio di bienestar general.
Entre otro a papia di con a tuma muestra di e patches pa haci analisis y determina con
toxico nan ta; te ainda no a detecta ningun parha of otro bestia morto a causa di e oil spill,
hunto cu NGO local ta monitoreando e situacion n’e rifnan caminda Bubinan ta pone
webo y por ultimo, a declara e boca di costa nort sera pa publico.
Durante e sondeo haci dialuna mainta na Boca Prins, a constata cu, manera informacion
comparti dor di Bonaire ta bisa, e patches ta contene un cantidad di petroleo y otro
kimiconan cu ta dañino pa hende y naturalesa.
