Page 21 - RDA

Funcionarionan di Direccion di Naturalesa y Ambiente a tuma muestranan cu lo laga
analisa detayadamente pa determina kico tur tin den dje y kico mester tene cuenta cune.

Un cooperacion estrecho cu NGOnan local manera Aruba Birdlife Conservation y
Fundacion Tortugaruba ta permiti un bon comprondemento di e riesgonan y con pa
minimalisa e dañonan. ‘Un bon noticia ta cu te awor nos no a constata ningun parha
morto cu por wordo relata n’e ‘oil spill’, asina Prome Minister Mike Eman a indica
durante e conferencia di prensa, enfatisando tambe cu e situacion na Bonaire y Trinidad
ta lamentablemente diferente.

Dialuna mainta a haci sondeonan di e rifnan dilanti di costa zuid di Aruba caminda den e
periodo actual e parha Boebi ta bin pone su webonan.

Segun calculo di Aruba Birdlife Conservation, un 30 mil parha di e specie aki ta yega
Aruba pa pone webo tur aña. Te ainda e rifnan ta liber di patches y Prome Minister Eman
ta resa p’esaki keda asina tambe.

‘Pa nos ta importante pa sigui coordina e trabounan,’ asina a bisa.

Pa loke ta trata e boca cu tin beach, esakinan ta sera pa publico. Premier Eman ta
desconeha turista y local pa landa eynan den e dianan aki paso ainda no ta conoci kico t’e
peliger cu e substancia ta representa pa ser humano.

‘Ta importante pa sa esey pa diferente motibo y kico e efecto ta riba nos medio ambiente
y nos hendenan,’ asina e Minister President di Aruba finalisa bisando.

Prome Minister Eman A Gradici Ploegnan Haciendo

Limpi

 Local
- 30/05/2017