Page 26 - RDA

Rene Herde di AVP: Reaperrtura di e refineria ta tambe pa
trahadornan di Aruba experencia y hobennan drenta

Tuesday, 30 May 2017 08:23
Comparti

Durante entrevista cu Rene Herde cu ta e miembro di e fraccion di AVP, el a splica despues di e reunion
cu Refineria di Aruba na Parlamento, cu pa loke ta e proyecto mes, e punto di mas importante ta, cu ta
tene na schedule y cu e maximo lo wordo haci den control, den tur aspecto cu e mayoria di e trahadonan
di acuerdo cu e contract, lo ta trahadonan di Aruba.

Den e contract ta poni cu e ta 80/20. Maximo 20% por bin di afo. Kier percura pa absolutamente, na tur
momento, na nivel di contratista, na nivel di Citgo mes, na ora di tuma hende, ora di ehecuta cualkier
parti di e proyecto, cu ta percura pa mayoria manera ta poni den e contract, 80%, no mas cu 20% por bin
di afo. Ainda mas ta percura pa tur trahado na Aruba, hoben y experencia, cu kier traha, cu ta cla, cu ta
capasita cu tin e experiencia pa traha den e refineria, haya e trabao. Pasobra ta pa e motibo ey a percura
pa reapertura di e refineria. Herde a sigui splica cu tin tur sorto informacion berdad y no berdad ta
wordo publica. Ta haya bon cu e director di Refineria mes a reacciona y a clarifica esey. Tambe
Parlamento, cu tin cu vigila e procesonan aki, lo continua pa percura pa e contract keda di acuerdo cu ley
y tratadonan cu Aruba, cu ta rigi, Aruba y cu no ta bay tin nada straño ta sosode.

Pa e motibo ey a bin dilanti den e reunion, mas cu un fraccion a accentua e necesidad pa preveni y
percura pa no tin nada y si tin cu expande e contract cu un aspecto adicional, lo studia y percura pa esey
sosode. Leynan cu ta rigi Aruba, ta percura pa e tipo di practica aki, dealnan tras di lomba,
absolutamente no lo sosode. No kier haya nos mes den e tipo di situacion unda cu no kier pa nomber di
Aruba wordo hinca den ningun circulo asina y mester preveni esey den forma legal y ta riba e asunto aki,
pa preveni esey, segun Rene Herde.