Page 4 - RDA
P. 4
Rampenbureau ta teniendo cuenta di
costonan pa bati na porta di esun
responsabel
- Advertisement -
ORANJESTAD (AAN): E reaccion inmediato den caso di un oil spill ta e control di daño,
sin embargo, Oficina di Calamidad (Rampenbureau) ta trahando pareu riba e gastonan
cu esaki ta representa pa Pais Aruba cu e fin di responsabilisa un partido p’e. Tur esaki
ta pasonan normal cu ta mara na tratadonan internacional y ta envolvi tambe e
compania di seguro caminda e transporte ta sigura.
“Esey nos ta bezig cu ne,” asina director interino di Oficina di Calamidad Rino Hermans
a duna di conoce. Aunke Aruba no a worde formalmente notifica di e incidente na
Trinidad & Tobago; loke a preveni di prepara debidamente, a cuminsa mantene un log
di costonan pa den un fase mas leu, atende cu esun responsabel.
Ta asina cu den un caso manera esun cu ta pasando aden actualmente, e compania na
Trinidad & Tobago mester a emiti un notificacion ‘Tier 3’ pa e paisnan cu ta premira lo
keda afecta. ‘Tier 3’ ta referi na ora un ‘oil spill’ ta afecta un tercer pais. Tal notificacion
nunca a yega Aruba. Oficina di Calamidad no a bay den panico, pero tampoco ta lubida
cu na final di dia, tin mas pa bay atende. ‘Nos ta trahando riba dje y e tin nos
atencion,” asina Hermans a indica.
Aruba tin suficiente ekipo di proteccion pa
trahado y boluntario
