Page 7 - RDA

ORANJESTAD (AAN): Prome Minister Mike Eman a dedica un mencion special durante e
conferencia di prensa cu a duna dialuna atardi. E ta dirigi na e ploegnan di
Departamento di Obra Publico (DOW) y di Serlimar cu for di dialuna mainta y tur e
dianan aki lo ta realisando trabaonan di limpiesa na e beach di e diferente boca na

costa noord. ‘Esaki ta un variacion di nan trabao y nos a mira cu nan ta haci’e cu hopi
dedicacion y amor pa haci nos isla limpi,’ asina Premier Eman a expresa.

Minister President a splica cu tin ploegnan trahando hunto cu Park Rangers di Parke
Nacional Arikok na California, Boca Druif, Boca di Pos, Boca Chikito, Wariruri, Budui,
Natural Bridge, Dos Playa, Boca Prins, Rincon y Boca Grandi. E trahadonan aki tey bou
di solo for oranan di mainta te den ora di merdia y tambe atardi pa kita tur loke tabata
subi tera y hal’e di un forma cu por kit’e for di e areanan aki y haci e limpiesa cu ta

asina necesario.

Eman: “Un palabra di gradicimento na tur e ploegnan aki cu ta traha asina duro

haciendo un tremendo trabao; un trabao cu park rangers ta atende cu ne normalmente,
pero cu pa e ploegnan di Serlimar y DOW esaki ta un variacion di nan trabao y nos a
mira cu nan tabata haci’e cu hopi dedicacion y amor pa haci nos isla limpi.” Gobierno di