Page 11 - RDA

Gobierno di Aruba ta coordinando esfuerzonan nacional pa
contraresta efectonan di ‘oil spill’

Tuesday, 30 May 2017 11:18
Comparti

Mescos cu diadomingo anochi, Gobierno di Aruba a ofrece un conferencia di prensa extraordinario
dialuna atardi, pa asina mantene nos comunidad bon informa di loke ta haciendo rond di e oil spill cu a
yega nos costa noord for di Trinidad.

Dialuna den oranan trempan di mainta y despues di a reuni e anochi prome haciendo varios palabracion,
a bay na Parke Nacional Arikok cu dos mision; e prome ta pa haci sondeo, y e di dos pa cuminsa cu
accion di limpiesa. Den e accion nacional aki ta conta cu cooperacion valioso di Oficina di Calamidad,
Departamento di Obra Publico, Cuerpo di Bombero, Cuerpo di Polis, Guarda Costa, Direccion Maritimo,
Aruba Tourism Authority, Direccion di Naturalesa y Ambiente, Servicio Meteorologico, Direccion di
Salud Publico, Parke Nacional Arikok, Serlimar; como tambe NGO’nan local pa cual Prome Minister
Mike Eman a expresa su gratitud den nomber di pueblo di Aruba. Manera ta conoci, e oil spill no ta un
solo mancha grandi, pero miyones di balanan chikito cu ta referi na nan como patches of tarballs. Esaki a
pone cu Kustwacht no por a detecta nan den nan esfuersonan algun dia atras y Oficina di Calamidad a
opta pa, den comunicacion cu Boneiro, warda nan yega mas cerca y tin un idea di con hopi por spera.

Durante e conferencia di dialuna atardi, Prome Minister a splica cu ‘practicamente for di e punto di mas
halto di Aruba na parti di Westpunt biniendo abou y yegando te na Boca Grandi cu ta e punto mas oost di
Aruba; casi na tur boca di Aruba por a constata algo di contaminacion cu a subi lama y parti di beach.’
Premier Eman a indica acerca cu na California esaki no tabata e caso mes tanto cu nan otro puntonan di
costa noord. A constata presencia di patches na Boca Druif, Boca di Pos na Noord, Boca Chikito,
Wariruri, Boca Mahos y Natural Bridge; tambe na Budui, Daimari, Dos Playa, Boca Prins, Boca di Brasa,
Rincon y Boca Grandi. Na tur e puntonan aki tabatin ploegnan di DOW y Serlimar den transcurso di
dialuna pa haci limpi. E mesun accion aki lo ripiti durante e siman nos dilanti pa keda colecta e patches
cu lama ta benta riba santo.

Prome Minister Mike Eman: Mirando cu situacion ainda por
cambia y kier ta bon prepara, boluntarionan ta bon bini

Tuesday, 30 May 2017 11:18
Comparti