Page 14 - RDA

Ta normal cu e departamento concerni ta atende solamente cu e otro departamentonan
necesario y no ta bay den prensa pa no crea panico of speculacion.

Rino Hermans a reitera durante e accion di limpiesa cu a cuminsa dialuna mainta na Boca
Prins hunto cu DOW y Parke Nacional Arikok, cu dia 23 di april tabatin un incidente
caminda fuel oil a sali for di un tanki y bay den lama.

For di diahuebs Bonaire a cuminsa raporta cu ta hayando ‘patches’, dus no tabata
hayando un solo ‘oil spill’.

E momento ey a pidi Guardacosta pa sali riba lama y monitorea e situacion, pero no por a
constata nada relevante.

E decision di Rampenbureau tabata pa warda te ora e ta mas serca y prepara e ‘Ekipo di
Respuesta’.

For di momento ey, segun e Director interino di Rampenbureau, ta intercambiando
informacion cu tur instancia local y regional al caso, esey tabata e base p’e seccion di
planeamento cuminsa traha.

“Durante henter fin di siman nos tabata planea,” Hermans a bisa. “Tabata monitor e
grandura y ora ripara cu e tabata ya visibel, a dicidi cu ta momento pa notifica Prome
Minister di e situacion, kico ta nos aporte y kico ta e plan di accion y esey a sosode
diadomingo anochi na Bestuurskantoor.”

Rampenbureau a informa e prome mandatario di kico tur t’e experticio cu tin disponibel
na Aruba y con ta bay atende cu e situacion, incluyendo con a yega na Boca Prins dialuna
mainta hunto cu DOW. Tambe ta trahando cu Parke Nacional Arikok caminda nan
Rangers ta bay controla nan teritorio, mientras cu Mariniers Kazerne lo controla e costa
nort di ‘lighthouse’ pa ‘lighthouse’.

Ambos instancia ta comunica directamente cu Rampenbureau cu na su turno ta desplega
esfuersonan pa medio di DOW, NGO y boluntarionan.

Aruba Sigur Ta Bay Recupera Di Efectonan Di Oil

Spill

 Local
- 30/05/2017