Page 10 - RDA

Fraccion di AVP ta satisfecho cu bishita di director di
Refineria di Aruba

Tuesday, 30 May 2017 08:21
Comparti

Como miembro di fraccion di AVP, Rene Herde, a splica riba e bishita di e director di Refineria di Aruba,
pa asina atende cu Parlamento riba publicacionnan internacional cu tin di haber cu Aruba.

El a conta cu tabata tin dos motibo pa e reunion. Uno ta e publicacion di Banco Central riba e ehecucion
di e proyecto di e start di e refineria y e di dos, e publicacion internacional riba Bloomberg, riba posibel
bypassing di e contract. E director di RdA, sr. Koolman y su staff a bin Parlamento y tur miembro di tur
fraccion a haya oportunidad pa haya un splicacion. Pa fraccion di AVP tabata tin dos punto importante.
Pa loke ta publicacion si ta bin claridad pa kita tur duda over di e tardansa. Sr. Koolman a splica loke el a
splica den publicidad na Aruba caba y e fraccion ta satisfecho. Ta un splicacion rasonabel. Den e contract
a firma cu e refineria ta poni cu tin espacio pa extende, pero cu e refineria mes ta pura pa cuminsa.
Pasobra e proyecto di Aruba, e start di e refineria como upgrader, ta asina importante pa e compania
madre Citgo y PDVSA. Kiermen cu ta compronde e importancia y si tin tardansa, pakico el a sosode. Pero
si wak con e aña aki nan ta invirtiendo 270 miyon, cu ta sumamente importante pa nan start y e planning
cu e director a mustra, ta nifica cu e compania mes tin pura, si nan bin cla cu e palabracion cu nan ta
haciendo awor aki. Nan ta haya e finansas otro luna y e ora e proyecto por sigui manera cu ta planea. Pa e
aspecto ey, ta trankil y ta pidi si pa nan sigui duna claridad, tanto na Aruba, como den exterior.

Pa loke ta e asunto di e publicacion cu a sali siman pasa, a touch'e tambe. E director a splica cu e
compania ta mara na e contract cu nan a firma cu e compania, ta mara na leynan di Aruba. Ta nifica
obviamente e tratadonan internacional cu ta goberna nos pais, como un parti di reino. Un acuerdo tras di
lomba no ta posibel. E lo ta un breach di contract y esey ta preveni. Ta bay mas leu, caminda cu lo reuni
cu Citgo dentro di poco, como comision di Parlamento y a pidi tambe pa e refineria di Aruba busca forma
pa expande e contract actual pa preveni explicitamente den e contract posibilidadnan di mal uzo di e
refineria di Aruba, pa preveni di kiebro di contract of algo asina. Esey ta bay wordo studia y e fraccion lo
follow up riba dje.