Page 37 - AHATA

Primeramente pueblo por a tende cu un suma di 180 miyon Dollar a worde manda pa
Citgo Aruba pero cu e suma aki nunca no a worde inverti den e planta pa asina inicia e
transformacion.

Segun PPA, no tin claridad unda e suma di $180 miyon aki a desaparece prome cu el a
yega Aruba of na Aruba mes.

Por a comprende cu algun ehecutivo halto di Citgo/PDVSA a worde encarcela pa e.o.

corrupcion pero con e suma aki ta relaciona cu nan detencion y encarcelamento no ta
suficiente cla ainda. Tambe por a comprende cu un di e ehecutivonan aki a fayece den
prison na Venezuela.

Seguidamente pueblo a worde informa pa Ministro Presidente Evelyn Wever-Croes cu
durante su bishita na Washington D.C. unda el a bishita e instancia di O.F.A.C., el a
keda sorprendi pa autoridadnan ora cu nan a informe cu nunca Citgo Aruba/PDVSA no
a pidi un permiso pa ‘transformacion di e refineria den un Upgrader pero den locual a

worde cualifica como ‘winding down’.

Durante e periodo di 1 aña y 7 luna cu e actual gobierno ta na mando, PPA a puntra
varios biaha si acaso Gobierno tin un comision pafor di R.D.A of hunto cu R.D.A. cu ta

controlando e ehecucion di e contract di 2.000 pagina cu a worde firma na 2016. Pero
nunca PPA a ricibi contesta publicamente, probablemente pasobra PPA no ta
representa den parlamento di Aruba.

Sin embargo Nisbet a comprende di diferente skina cu den ‘wandelgang’ di gobierno na
varios occasion e remarca a worde haci cu PPA/Benny Nisbet no sa “di kico e ta papia”.

Pero e proceso aki ta uno cruel pasobra den un periodo corto ta resulta cu PPA y

Benny Nisbet tabatin tur razon. Si acaso nan a pone un comision di experto pa traha y
controla e implementacion di e contract aki, hopi sorpresa desagradable por a worde
descubri na tempo y kizas evita.

Pasobra ora cu na OFAC a revela na Prome Ministro cu Citgo Aruba nunca a pidi
permiso, sigur lo a cay manera un baño di awa frieu.