Page 57 - AHATA
P. 57
Banco Central di Aruba (BCA) a informa cu dialuna awo dia 3 di juni 2019 lo emiti e
serie nobo 2019 di biyetenan di florin. Consecuentemente diamars dia 4 di juni lo
cuminsa haya e placa di papel nobo aki na banconan y den mashinnan ATM. Te ainda e
banconan local ta calibrando nan mashinnan pa maneha ambos placa di papel. Parce cu e
ta un reto mas grandi cu hopi a premira. No tin motibo pa panico pasobra te dia 11 di
augustus 2019 tin co-circulacion di e serie di 2003 y e serie nobo di 2019 di biyetenan di
florin (10 siman).
Desde dia 12 di augustus 2019 e serie 2003 di placa di papel di florin ta sali for di
circulacion y no por uza mas pa haci pago.
Pa esunnan cu tin placa warda, bo tin desde 4 di juni te cu 4 di december 2019 pa haci e
cambio di e serie di 2003 pa e serie nobo di 2019 di placa di papel di florin solamente na
e banconan comercial (6 luna).
Y si no logra, e ora tin entre dia 5 di december 2019 te cu 12 di augustus 2049 pa por
cambia e serie di 2003 pa e serie nobo di 2019 di placa di papel di florin solamente na e
Banco Central di Aruba.
Den e lunanan benidero, Banco Central lo tene campañanan di informacion extensivo a
traves di varios canalnan di comunicacion, manera corant, radio, television, Facebook,
Instagram y website pa duna e publico e informacion mas importante di e serie nobo
2019 di e biyetenan di florin.
