Page 23 - ARUBA BANK
P. 23
AWEMainta Dialuna, 16 Januari 2017 7
CAft tin duda cu Gobierno
lo por logra e norma di deficit pa 2017
A duna
Gobierno
2 siman di
tempo pa
haya un
reaccion
ORA cu lesa e comentario di e Colegio di Supervi-
sion Financiero di Aruba, CAft, bo ta haya e impre-
sion cu nan ta busca tur caminda cu por tin un eror
den presupuesto di Aruba, pa haci nan remarkenan.
Awor den un carta na Minister di Finanza, Angel
Bermudez, CAft ta duna di conoce cu nan tin duda y
sigur nan no ta convenci cu Gobierno lo logra cumpli
cu e deficit di 0.5% di e BBP (Producto Bruto di pais
Aruba), manera stipula den presupuesto 2017.
Loke ta causa e duda aki, ta cu tin algun punto fun-
damental, cu CAft ta bisa di no ta suficientemente
informa, cu ta motibo cu CAft a duna Gobierno 2
siman di tempo pa reacciona riba nan observacionnan
haci.
For di seno di Gobierno, nan no ta nada contento cu
e observacionnan haci. Manera nos por a tende un
reaccion, si CAft ta kere cu nan t’asina bon, anto bin
sinta riba stul di Gobierno y haci’e mihor.
For di momento di instalacion di CAft, Gobierno no a
sostene e pensamento aki y tabata sa cu CAft lo con-
trola lo den detaye e maneho financiero di Gobierno.
CAft ta haya cu Gobierno no ta hayando na entrada di
p.e. Loonbelasting, manera Gobierno mes ta predeci,
igualmente tin un reduccion den cobranza di BBO,
pero pa loke t’e sistema VAS, cu a keda introduce pa
cobra Winstbelasting, a duna den principio un reac-
cion positivo, pero pa 2017, CAft no ta mira cu e ta
uno realistico manera Gobierno a pint’e.
Pa loke t’e impacto spera cu re-apertura di e refineria,
CAft tin su dudanan, debi na falta di claridad pa cu e
propio refineria, cu te ainda no a habri su portanan.
Pesey CAft kier haya un reaccion di Gobierno prome
cu dia 26 awor, unda mester tin claridad riba e en-
tradanan cu Gobierno ta spera di haya pa su presu-
puesto.
