Page 88 - WEB

Parlamentario Edgard Vrolijk Di MEP: “E Carta Di

WEB A Bay Pa Utilities Aruba NV, Pues Ta N’e

Instancia Aki Mester Haci E Peticion”

 Politica
- 05/08/2018

Diabierna ultimo por a scucha Parlamentario Marlon Sneek un biaha mas dilanti
Parlamento ta exigi un carta na Prome Minister Evelyn Wever-Croes. Nos cu tin menos
tempo cu sr. Marlon Sneek den Parlamento, lamentablemente mester keda corigi’e.
Di acuerdo cu Edgard Vrolijk, e carta di WEB a bay pa Utilities Aruba NV, pues ta n’e
instancia aki mester haci e peticion. Pero sigur ta cu nos Promer Minister cu ta para pa
transparencia lo pidi pa Utilities Aruba pa manda e carta aki pa Parlamento di Aruba.

Banda di esaki tambe Parlamentario Sneek ta exigi un reunion tocante e tematico aki. Y
pa sr. Sneek esaki ta hopi importante, pasobra pa su persona transparencia ta hunga un rol
hopi importante y ta locual Gobierno actual a priminti.
“Nos y sigur mi persona tambe lo kier transparencia. Pueblo merece sa kico ta pasando y
kico lo por pasa den futuro cercano”.

PETICION PA REUNION
“Mi persona lo ta desea di haya e carta aki, pero tambe e otro cartanan cu a ser manda,
segun e informante cu 24 ora Aruba tin den WEB. Y cu hopi seguransa e reportero a
declara esaki y ta duna e indicacion cu e persona aki lo ta uno hopi cerca di directiva.
Esaki ta tambe pa nos habri nos wowo mas ainda unda cu nos tambe lo bay pidi e
companianan estatal tur carta cu a ser dirigi na Utilities y ex Prome Minister Mike Eman
p’asina pueblo por sa kico tur a pasa di 2009 pa 2018.