Page 89 - WEB

Tambe Parlamentario Marlon Sneek a haci un peticion pa un reunion y mi tambe ta desea
esaki p’asina nos por yama tambe WEB NV, ELMAR NV, Utilities y APA y pa nos tin
tur e actornan hunto y pueblo por sigui nan y unda cu nan lo tin di presenta cu e berdad y
no por keda sconde mas.
Y den e berdad aki lo mi kier pa nos tin tur carta habri riba mesa. Nos lo kier tur
informacion, pues contractnan cu diferente consultancy, cifranan y tambe tur carta cu a
bay di WEB y Elmar pa Utilities den 8 aña di e situacion di ambos compañía”, según
Edgard Vrolijk..

PROBLEMATICA DI HEDGING
“Banda di esaki nos ta exigi un clarificacion pa pueblo di e problematica di hedging y cu
tur transparencia. Pueblo kier sa con por ta posibel cu dia 1 di october 2014, unda cu prijs
di crudo tabata bao di $40 pa bari, pueblo a ser masacra, golpia na antoho pasobra nan a
sali manifesta contra e aumento di prijs di coriente y awa, mientras cu mundialmente e
prijs di petroleo tabata te na vloer.

Nos tur kier sa cuanto exactamente e aventura di hedging a costa e compania WEB y nos
kier wak e cartanan cu a ser dirigi na Utilities y tambe na ex Prome Minister Mike Eman
tocante e asunto aki.
Y nos kier un splicacion amplio di con a cambia di un maneho cu tabata hedge 30% di e
consumo total cada 3 luna y tabata monitor si mester hedge of no, pa un maneho unda cu
un grupo di amateur cu a dicidi di hedge pa 3 aña na un prijs di $ 92 pa bari.

Nos kier sa cu ken esaki a ser cera y tambe ken lo para responsabel p’e perdida enorme
aki di mas di 300 miyon. Pasobra mi no ta kere cu un biaha mas ta pueblo tin di paga
p’esaki. Nos kier transparencia di esaki tambe”, Edgard Vrolijk a finalisa su observacion

https://awemainta.com/parlamentario-edgard-vrolijk-di-mep-e-carta-di-web-a-
bay-pa-utilities-aruba-nv-pues-ta-ne-instancia-aki-mester-haci-e-peticion/