Page 9 - MIN ON

8 AWEMainta Diahuebs, 29 December 2016

CKI di Universidad di Aruba celebrando e temporada di Pasco cu 50 mucha

DINNER With The Kids ta un evento cu CKI di
Universidad di Aruba ta organisa cada aña.
E evento aki tin como meta pa pone e mucha nan pasa
un rato agradabel y p’asina nan por gosa di tur actividad
plania special pa nan. Cu e apoyo di e comunidad di
Aruba e evento aki ta bira cada aña mas grandi.

E aña aki 50 mucha a wordo invita pa join e miembro-
nan di CKI na Occasions p’asina celebra e temporada
di Pasco.
Durante e evenemento tabatin varios wega cu e mucha
nan por a disfruta di dj’e y gana premio. Sin falta, un
plato a wordo prepera pa e muchanan cu diferente
cuminda di Pasco.
Un bishita inespera a poni un sonrisa imenso rib’e cara
di e mucha nan ora Santa Claus yega y a bin cu regalo
pa tur e muchanan. E miembronan y e muchanan a
disfruta di un evento exitoso yena cu alegria y alabes
celebrando e temporada di Pasco.

CKI di Universidad di Aruba kier a pidi danki na tur
esun nan cu a haci e proyecto aki posibel. Ademas, CKI
kier a gradici: Kooyman, Crystal Casino, Divi Impact
y Aruba Airport Authority pa nan aporte na e Dinner
With The Kids y pa yuda nos hacie inolvidable pa e
muchanan.

CKI di Universidad di Aruba kier a desea henter pueblo
di Aruba un bon Pasco y un feliz aña nobo.