Page 3 - AWEMAINTA

AWEMainta Diabierna, 13 Januari 2017 3

Pa sigui delibera riba e tuberia di gas den sub-suelo

Un delegacion grandi di

PDVSA/CITGO lo ta na Aruba,

pa papia cu companianan local

MINISTER di Energia, Mike de Meza ta masha contento cu nombramento di Nelson
Martinez, alto ehecutivo di CITGO na Houston, Merca como Minister di Petroleo di
Gobierno di Nicolas Maduro.
Esey ta haci cu full e cadena ta cay bao di su responsabilidad, y como cu el a keda como
CEO di CITGO, sigur ta na beneficio di Aruba so e por ta.
Nelson Martinez ta kere den e proyecto di Aruba, y sigur e ta importante pa PDSVA
y sigur pa Venezuela.

Minister Mike de Meza a anuncia cu dentro di un siman tin un delegacion basta grandi
na Aruba di PDVSA/CITGO, y tambe di PDVSA-Gas, unda nan lo reuni na Aruba hunto
cu ehecutivonan di Refineria di Aruba, CITGO Aruba, tambe cu ehecutivonan
di companianan di Utilidad pa discuti e liña di gas, pa cual nan ya caba
ta hacienda diferente calculacion pa ehecuta e proyecto aki.

E proyecto aki ta grandi y ta papia di casi 200 miyon dolar, cu ta
hopi positivo pa Aruba, segun Minister Mike de Meza.
Los di esey, nan ta trahando masha duro riba e proyecto di ra-
habilitacion di e refineria mes. Minister Mike de Meza a haya
informacion cu CITGO Aruba ya caba ta bezig ta contrata
diferente ingeniero y specialista Arubiano cu ya a cuminsa
trahando den e refineria preparando p’e rehabilitacion.
Pronto lo tene di mas reclutacion di mas hende, nificando
cu tur cos ta bayendo bon.

Ya caba e concorcio menciona a scoge e EPC Company, cu
ta un compania Frances hunto cu algun otro compania lo
atende cu tur esnan cu ta bay atende cu e companianan lo-
cal cu ta bay rehabilita e compania.
E cambio ta grandi den e refineria y lo bay mira tur esaki
durante e temporada cu ta bin. E trabounan ta tumando lugar
ta bayendo hopi positivo segun Minister Mike de Meza..

El a pidi pueblo di Aruba un tiki pasenshi y pronto lo bira con liher
lo expande e trabao cu tin pa haci. Lo bay tin masha hopi hende pa
traha y semper Gobierno a bisa cu trahador y companianan local tin
e prome opcion pa haya trabao den e refineria, Minister di Energia
Mike de Meza a reitera.