Page 17 - FDLP
P. 17
22 AWEMainta Diabierna, 19 October 2018
Rocco Tjon, lider di fraccion di MEP:
Aruba mester ta orguyoso di su atletanan
hubenil cu a competi na Argentina
MANERA ta conoci actualmente tin e
Weganan Olimpico Hubenil na Argentina.
Aruba ta wordo representa dor di atletanan
den diferente ramo di deporte.
BEACH VOLLEYBALL
Pa loke t’e deporte di Beach Volleyball, e
team di mucha muher, consistiendo di Mali
Rafini y Kayla Arends a sa di termina na di
17 lugar. Den su totalidad e competencia di
Beach Volleybal di mucha muhernan tabata
consisti di 32 team. Pues un logro grandi pa
un isla chikito manera Aruba.
DEDICACION, DETERMINACION
y SACRIFICIO
E logro grandi aki no tabata posibel sin e
dedicacion, determinacion y hopi sacrificio
di e atletanan.
Mescos ta conta pa nan coach Irald Phelipa.
Rocco Tjon ta bisa cu e mes a wak diferente
training di nan y e sa di e sacrificio cu nan
a haci y e disciplina cu nan tabatin pa por a
representa nos isla dignamente.
Como Arubiano, segun Rocco Tjon, e ta
yen’e cu orguyo di wak boso logro. Na mes
momento e ta pone reflexiona. E logro gran-
di aki boso a logr’e dor di ta dedica, deter-
mina y dispuesto pa sacrifica.
“Imaginabo kico tur nos por logra como
pais y pueblo si nos tur desplega e mesun
dedicacion y determinacion.
Un pabien grandi na tur atleta cu a competi
n’e Weganan Olimpico Hubenil y tambe na
Comite Olimpico pa nan sosten y aporte
brinda na nos atletanan Arubiano”, Rocco
Tjon a finalisa.
