Page 18 - FDLP
P. 18
Diabierna, 19 October 2018 AWEMainta 27
S.V. Unistars a bautisa nan uniform nobo hunto
cu nan sponsor, Payroll Pro HRM
DIARANSON, 17 october ultimo, e team
di S.V. Unistars a reuni na oficina di VCC
International pa hunto cu e team di Pay-
roll Pro HRM bautisa e uniform nobo di e
team.
E team a cuminsa e temporada di campe-
onato di un manera positivo y cu un team
balente cu ta cla pa yega hopi leu e tempo-
rada aki di futbol.
Sylvester Berg, miembro di directiva di S.V.
Unistars, ta comenta: “Nos a dicidi di pone
hopi energia den e team p’e temporada
nobo aki, nos ta sumamente motiva y ta
trahando duro pa haci esaki un temporada
exitoso”.
E bautismo di e uniform tabata un ocasion
hopi ameno unda e team di S.V. Unistars y
e team di Payroll Pro HRM por a comparti
ideanan p’e temporada nobo di futbol.
Bert Vermaas, Director di VCC Internation-
al, a comparti: “Henter e team di Payroll
Pro HRM ta sumamente orguyoso di por
sponsor S.V. Unistars. Nos ta wak cu e team
tin hopi motivacion, ta hopi dedica y tin e
gana di persevera y yega leu. Nos ta desea
henter e team hopi exito p’e temporada
nobo di futbol”.
