Page 40 - ATA

Aruba Press Award 2019 Cu Enfoke Y Honor Riba

Calidad Di Publicacion Cu Ta Promove Nos Isla Den

Exterior

 Local
- 15/05/2019

Aruba Press Award ta un reconocemento organisa pa medio di Aruba Tourism Authority
cu mercadeo den e continente Latino America cual recientemente a tuma lugar. Prensa di
Latino America a wordo premia pa genera contenido enfocando riba Aruba for di nan
propio punto di bista.

Ganadornan a wordo eligi por medio di hurado local y internacional den categorianan di
Television, Revista, Radio y Medianan Digital.

Bao iniciativa di ATA, a pidi periodistanan di region Latino America pa inscribi nan mes
pa competi pa diferente premio riba diferente area. Un total di 80 persona a inscribi y
siman pasa nan a wordo reconoci.

Un di nan premionan e.o. tabata pa bin Aruba pa ricibi nan reconocemento na nos isla. Pa
algun di nan esaki tabata e prome bishita riba nos isla pa disfruta y experiencia Aruba.

Cada periodista a trece -na un manera diferente den nan perspectiva- con nan ta wak
Aruba. Nan enfoke tabata diferente, riba nos flora y fauna, cultura y arte.

“Nos ta consciente cu e trabao di periodismo di turismo no ta un tarea facil,” CEO di
Aruba Tourism Authority Ronella Tjin Asjoe-Croes a expresa.