Page 44 - ATA
P. 44
Aruba Press Award 2019 otorga na
grupo di periodista internacional
Posted on 05/15/2019 9:19 am AST | Updated on 05/15/2019 9:21 am AST
ORANJESTAD - Aruba Press Award a keda presenta recientemente na un grupo di
periodista internacional. E ta un reconocemento organisa pa medio di Aruba Tourism
Authority cu mercadeo den e continente Latino America cual recien a tuma luga. Prensa
di Latino America a wordo premia pa genera contenido enfocando riba Aruba for di nan
propio punto di bista. Ganadornan a wordo elegi por medio di huradonan local y
internacional den categorianan di Television, Revista, Radio y Medianan Digital.
Bao iniciativa di Aruba Tourism Authority, a pidi periodistanan di region Latino America
pa inscribi nan mes pa competi pa diferente premio riba diferente area. Un total di 80
persona a inscribi y siman pasa nan a wordo reconoci. Un di nan premionan entre otro
tabata pa bin Aruba pa ricibi nan reconocemento na nos isla. Pa algun di nan esaki tabata
e prome bishita riba nos isla pa disfruta y experiencia Aruba.
Cada periodista a trece -na un manera diferente den nan perspectiva- con nan ta wak
Aruba. Nan enfoke tabata diferente, riba nos flora y fauna, cultura y arte.
