Page 24 - HOH

Den e transcurso di e siman aki DIARIO a haya reaccion di un señora cu ta biba masha
cerca di un laboratorio priva, pero e mester a bay cerca un specialista, y esaki a mande
algun test y a bise cu e tin cu bay Lands, pasobra e no ta acepta test di otro caminda.

E señora tin problema cu canamento y tampoco e no tin auto. Segun su version, el a
bisa e docter cu e no ta acepta su actitud y menos sin cu e tin un motibo cu e por kere
y cu e ta bay e laboratorio unda e ta custumbra cune, y cu nunca e tabata tin
problema, al menos no cu su docter di cas.

Matutino DIARIO a tuma contacto cu AZV algun siman pasa y e funcionario a expresa
cu pa nan tur laboratorio tin e mesun derecho, nan tur ta cay bao di AZV, y e pacient
tin derecho di scoge na cual e kier bay, excepto si tin un of otro test cu un laboratorio

priva no por haci, y den e caso aki e pacient mester wordo bon splica pa e docter.

Te na unda DIARIO sa, tur laboratorio priva ta certifica y nan tin ekipo pa haci
practicamente tur test, of alomenos, mayoria di nan.

AZV a keda di toch investiga un ke otro y wak exactamente kico ta e motibonan cu
cierto docternan tin pa sugeri e pacient no bay un laboratorio priva. Mester aclarea si cu
no mester generaliza. No ta tur docter ta riba e mesun linea ey.

En todo caso, AZV ta trahando riba e asunto y e siman aki cu nos redaccion a bolbe
yama, un di e Relacionistanan Publico a informa cu su colega ta bezig y asina tin
resultado nos lo haya sa.

DIARIO tin entendi cu, alomenos un laboratorio priva a pone AZV na haltura di e
situacion, incluso a publica algo riba su facebook page.

Pues ta di spera cu e asunto aki haya un solucion, pasobra AZV ta traha cu tur
laboratorio, y nan filosofia como doño di trabao ta cu tur ta wordo trata igual, y e
pacient tin derecho di scoge, segun AZV mes ta expresa.

https://www.diario.aw/2019/06/azv-ta-duna-trato-igual-na-tur-lab-clinico-y-na-tur-asegurado-e-
derecho-di-scoge/