Page 12 - AWEMAINTA
P. 12
12 AWEMainta Dialuna, 14 Januari 2019
Na St. Maarten
Di dos morto tragico den ni 24 ora di tempo
PHILIPSBURG – Ayera mainta, henter comunidad
di St. Maarten ta den shock p’e morto tragico di un
mucha di 2 aña y kende lo a cumpli 3 aña awe. E
hecho lamentable aki a sosode ayera mainta rond di
10.30. Aparentemente un problema entre dos grupo
di mucha homber a conduci n’e situacion caminda
un di e grupo aki a trata di manda su auto riba e
otro grupo di mucha homber.
Un hoben, a logra di bula un muraya y asina scapa
su bida, kedando cu algun rasca y un lesion na su
pia.
Den cayente di e atake, e mucha homber di 2 aña,
kende tabata hungando cu su truck chiquito na
banda di caminda, a ser alcansa p’e otro auto mor-
talmente.
E mucha aki a fayece al instante cu lesionnan severo
na su curpa, y su garganta cu a kibra malamente.
E chofer tabatin un bate di baseball den su man,
pero a dicidi di baha na awa, lagando su auto atras.
E victima aparentemente ta yiu di un di e hobennan
cu e grupo aki tabata busca pa mata, pero awor a
mata e yiu di un di e otro grupo. E mama mes tabata
na trabao e momento ey.
E prome unidad Policial cu a yega, den cual tabatin
un Polis femenino, no por a contene su emocionnan
y mester a ser kita for di e sitio.
Varios Polis a acudi n’e sitio di e siniestro, e.o. por a
mira presencia di Hefe di Polis, Carl John y autori-
dadnan di Ministerio Publico. Nos no a haya iden-
tidad di e criatura aki, kende a perde su bida den
un forma masha tragico. El a bira di dos morto den
trafico di St. Maarten. Condolencia na su famia.
