Page 22 - AVP

Gobierno nobo a acuse di ladronicia di ekipo of computernan di trabou. Den oranan di
anochi a encarcel’e y a hib’e Warda di Polis San Nicolas.

Diabierna ultimo Husticia a inform’e cu nan no ta persigui’e mas den e caso ey, pasobra e
pruebanan presenta dor di Gobierno no ta suficiente.

Cu esey, Ministerio Publico a pone un fin na persecucion politico di parti di Gobierno na
mando. Probablemente Gobierno a corda cu e repercucion cu nan acto ta bin cune p’e bon
nomber di Aruba y di Reino Hulandes dilanti cara di mundo, pasobra lo
informa Sociedad Interamericana de Prensa (SIP) di e acto bergonsoso aki!

E caso tin di haber cu e keho di Gabinete Wever-Croes, cu falta computer y/of ekiponan
pa traha cune.

Ta obvio cu MEP no tabatin conocemento di ki ekipo tabatin of laga. Henry Baarh a haya
un lista di tur loke a keda atras y a hib’e den e oficina unda tur cos tabata warda na yabi,
di henter Bestuurskantoor.

Arleen Oduber a haci e keho falso aki contra Marku Espinoza, uzando un Venezolano
ilegal, cu hasta a declara na Polis, y ta aparece den e proces-verbaal, cu coordinador di
Minister Otmar Oduber (kende tambe ta un Polis) a bise cu si e declara contra Marku
Espinoza, cu Minister Oduber lo regla su permiso di estadia y trabou pe!! A cera
Espinoza 6 dia largo den prizon y despues a lage bay, a dune tur ekipo bek.

Asina mes mester a paga abogado pa bringa e caso pa por a logra su libertad, debi na su
encarcelacion. Tur esey sin conta e dianan cu e no por a traha, e persecucion cu a sigui
despues di parti di Gobierno mes y e coordinadornan di Gobierno cu a lastr’e dia den-dia
afo riba Facebook.

E propio Ministernan a informa y sigura cu tin hopi prueba y cu Espinoza lo a hiba
ekiponan su cas, etc. Awor tur esey a cay na awa ora cu Fiscal T. Akkerman a ripara cu
na Aruba politiconan ta hunga e weganan aki pa cera contrincantenan.

Pero aunke cu pa Marku Espinoza esaki ta un alivio, dor cu Fiscal a “seponeer” e caso
den su contra, cu awor e procedura civil lo inicia. Sea di berdad, Husticia a ripara cu e
caso aki ta fabrica, of…nan a ripara cu den e proces-verbaal e unico testigo ta
compromete Minister Otmar Oduber y su coordinador di fam Wernet.