Page 23 - AVP

Awor defensa di Marku Espinoza lo mester evalua e daño material y imaterial cu el a
sufri dor di persecucion politico, pa por cuantifica esaki den un demanda.

Siendo miembro di Nederlandse Vereneging van Journalisten (NVJ), lo informa nan
tambe di e “modus operandi” di Gobierno di Aruba pa persigui periodistanan den nan
afan pa silencia libertad di expresion of pa tuma vengansa debi na color of preferencia
politico.

Cualkier hende lo no por imagina cu den Reino Hulandes nan por cera un miembro di
prensa pa 6 dia den cel y despues manda bise cu nos no ta persigui Bo mas, pasobra no
tin prueba contra Bo.

Ey ta demostra e presion cu Gobierno, lesa Evelyn Wever hunto cu of tolera pa
Minister Andin Bikker, pa maluza Ministerio Publico pa haci e tipo di maniobranan asina
cu awor ta laga nan mesun imagen na suela!

Pregunta: Dicon OM no a persigui esnan cu a haci denuncia falso, manera e.o. Arleen
Oduber, e coordinador y chofer di Minister Otmar Oduber, di fam Wernet, kende ta un
Polis di profesion, kende hasta a haya un testigo Venezolano ilegal, alegando su e gaña,
cu Minister Otmar Oduber lo fix su permiso pa keda Aruba. E ultimo aki ta pone nos
corda riba Leoncio Corona, kende a estafa, horta hopi hende, cu e promesa cu
Ministernan di e Gobierno aki lo sa di drecha nan derecho di estadia na Aruba y a percura
pa nan haya tereno tambe. Awe Leoncio Corona ta sigui ta sera, pero el a basha abao
caba? Interesante pa sa cua di e Ministernan el a acusa di lo yud’e?

Polis Alex Wernet, awor chauffeur di Minister Otmar Oduber ta aparece den e proces-
verbaal di e caso aki, ofreciendo e unico testigo, un Venezolano ilegal, cu si e declara
contra Espinoza, cu Minister lo regla su estadia legal y permiso di trabou. Ta normal cu
un Polis, huramenta, por ofrece un testigo algo semehante? Landsrecherche lo laga e
hecho aki pasa sin mas?